ჯუბო ტურაშვილი - აჭარაში ამ დროისათვის ბუნებრივი აირი 118 000-ზე მეტ აბონენტს მიეწოდება, რაც მთლიანი რეგიონის 80%-ზე მეტია

აჭარაში, ხელვაჩაურის მუნიციპალიტეტის სოფლებში გაზიფიცირების სახელმწიფო პროგრამის ფარგლებში სამშენებლო სამუშაოები მიმდინარეობს. აღნიშნულთან დაკავშირებით ინფორმაციას ეკონომიკის სამინისტრო ავრცელებს.

მათი ცნობით, გაზგამანაწილებელი ინფრასტრუქტურა ისეთ დასახლებებში შენდება, სადაც ბუნებრივ აირს მოსახლეობა არასდროს მოიხმარდა.

გაზიფიცირების სამუშაოების მიმდინარეობას ხელვაჩაურის სოფელ ქვედა ჩხუტუნეთში ეკონომიკისა და მდგრადი განვითარების სამინისტროს ენერგეტიკული პოლიტიკისა და საინვესტიციო დეპარტამენტის უფროსი ჯუბო ტურაშვილი და საქართველოს გაზის ტრანსპორტირების კომპანიის გაზიფიცირების სამსახურის უფროსი კახა დვალი ადგილობრივი ხელისუფლების სხვა წარმომადგენლებთან ერთად გაეცნენ.

ამჟამად, გაზიფიცირების პროექტი ხელვაჩაურის მუნიციპალიტეტის სოფლებში - მაჭახლისპირში, სინდიეთში, აჭარისაღმართში, ქვედა ჩხუტუნეთსა და ჩიქუნეთში მიმდინარეობს, სადაც ჯამურად 65,565 გრძივი მეტრი გაზსადენი აშენდება, რაც 360 ადგილობრივ აბონენტს ბუნებრივი გაზით სარგებლობის შესაძლებლობას მისცემს.

სამინისტროს ენერგეტიკული პოლიტიკისა და საინვესტიციო დეპარტამენტის უფროსის, ჯუბო ტურაშვილის განცხადებით, გაზიფიცირების სამთავრობო პროგრამის ფარგლებში, მახინჯაურის მუნიციპალიტეტის გარდა, გაზგამანაწილებელი ინფრასტრუქტურის მშენებლობა წარმატებით ხორციელდება ქედის, შუახევისა და ხულოს დასახლებებშიც.

მისი თქმით, აჭარის რეგიონის გაზიფიცირება მნიშვნელოვნად გააუმჯობესებს ადგილობრივი მოსახლეობის ეკონომიკურ და სოციალურ პირობებს, ხელს შეუწყობს ტურიზმისა და სხვა სახის ბიზნესის, განსაკუთრებით, მიკრო და მცირე მეწარმეობის განვითარებას, ასევე დადებითად აისახება ეკოლოგიურ ვითარებაზეც. ჯუბო ტურაშვილის ინფორმაციით, აჭარაში გაზიფიცირების პროგრამა 2018 წლიდან ხორციელდება და ამ დროისათვის ბუნებრივი აირი 118,000 - ზე მეტ აბონენტს მიეწოდება, რაც მთლიანი რეგიონის 80%-ზე მეტია.

„გაზიფიცირების სამთავრობო პროგრამის საფუძველზე, აჭარაში სამუშაოები ასევე მიმდინარეობს ქედის მუნიციპალიტეტის 6 დასახლებულ პუნქტში, დაბა ხულოსა და დაბა შუახევში. მომდევნო წლებში, აჭარის რეგიონში, დაგეგმილია დამატებით 31 დასახლებული პუნქტის გაზიფიცირებისთვის საჭირო სამშენებლო სამუშაოების განხორციელება, რაც 2,438 აბონენტს მოიცავს.

გაზიფიცირების სახელმწიფო პროგრამა საქართველოში 2013 წელს დაიწყო. 2013-2024 წლებში, ჯამურად, ქვეყნის მასშტაბით გაზიფიცირდა 828 დასახლებული პუნქტი და 199 250 აბონენტმა შეძლო ბუნებრივი გაზით სარგებლობა. 11 წლის განმავლობაში განხორციელებული სამუშაოების შედეგად ბუნებრივი გაზი ხელმისაწვდომი გახდა ისეთი დასახლებული პუნქტებისთვის, რომლებიც აქამდე არასოდეს ყოფილა გაზიფიცირებული. ამჟამად, მთელი ქვეყნის მასშტაბით სამუშაოები 4 რეგიონის, 9 მუნიციპალიტეტის, 41 დასახლებულ პუნქტში მიმდინარეობს. სამუშაოების დასრულების შემდეგ 6405 აბონენტი შეძლებს ბუნებრივი გაზით ისარგებლოს. დაგეგმილი სამუშაოების შესრულების შემდეგ, 2025 წლისთვის, ქვეყნის გაზიფიცირების დონე 93% -ს მიაღწევს“, - ნათქვამია ინფორმაციაში.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო