თეონა აქუბარდია - „ქართული ოცნება“ ცდილობს წარმოაჩინოს განსხვავებული რეალობა და ამ განსხვავებულ რეალობაში, ისინი ამბობენ, რომ აშშ, რომელიც მათი პროპაგანდით მტერია, ხელისუფლებას არ ასანქცირებს

„ქართული ოცნება“ თავისი პროპაგანდისტული გზავნილებით, მათ შორის, კონტროლირებადი მედიასაშუალებებით ცდილობს წარმოაჩინოს განსხვავებული რეალობა და ამ განსხვავებულ რეალობაში, ისინი ამბობენ, რომ აშშ, რომელიც მათი პროპაგანდით მტერია, ხელისუფლებას არ ასანქცირებს, - ამის შესახებ ოპოზიციონერმა დეპუტატმა, თეონა აქუბარდიამ განაცხადა.

აქუბარდიამ საქართველოში აშშ-ის ელჩის, რობინ დანიგანის „ინტერპრესნიუსთან“ ინტერვიუში გაკეთებული განცხადება შეაფასა და აღნიშნა, რომ „სანქციებს, რომელსაც „ქართული ოცნება“ აფერმკრთალებს და ამბობს, რომ სავიზო შეზღუდვები არ დაწესებულა, ამ ტყუილში „ქართულ ოცნებას“ კიდევ ერთხელ ამხელს“.

„ამერიკის შეერთებული შტატების ელჩის განცხადებაში სამი რამ არის მნიშვნელოვანი. პირველი, ის, რომ ამერიკა არის ქართველი ხალხის მეგობარი და საქართველოს მთავარი სტრატეგიული პარტნიორი. ყველა ის შემზღუდავი ნორმა, რომელიც შემოღებულია აშშ-ს მხრიდან, სწორედ ქართველი ხალხის არჩეული კურსის მხარდაჭერას ნიშნავს. მეორე, ის, რომ სანქციებს, რომელსაც „ქართული ოცნება“ აფერმკრთალებს და ამბობს, რომ სავიზო შეზღუდვები არ დაწესებულა, კიდევ ერთხელ ამხელს ამ ტყუილში „ქართულ ოცნებას“ და ამბობს, რომ ეს სანქციები არის იმისათვის, რომ „ქართული ოცნება“ კონსტიტუციით არჩეულ კურსს დაუბრუნდეს. მესამე, ეს არის საგარეო ვექტორი და ჩინეთის შემოყვანა ანაკლიის პორტში. ჩინეთი, რომელიც არის რუსეთის მეგობარი და იმ ომს აფინანსებს, რომელიც ჩვენი საერთო მტრის მიერ უკრაინაში მიმდინარეობს სრულიად სუვერენიტეტის პრინციპის წინააღმდეგ. შესაბამისად, ეს გზავნილები წესით ნორმალური ხელისუფლების პირობებში უნდა ყოფილიყო იმის ბიძგის მიმცემი, რომ ქვეყანა დაბრუნებოდა ნორმალურ საგარეო და საშინაო კურსს, მაგრამ ამ ვითარებაში, როდესაც „ქართული ოცნების“ კომენტარები ვნახე, ამის მოლოდინი არ მაქვს, რაც კიდევ ერთხელ ნიშნავს, რომ მათ შორის, საბიუჯეტო დახმარება შეერთებული შტატების საქართველოს თავდაცვისთვის, ეკონომიკისთვის, უსაფრთხოებისთვის და ქართველი ხალხისთვის მინიმუმამდე დაყვანილი იქნება და ამაზე პასუხისმგებლობა, მხოლოდ „ქართულ ოცნებას“ ეკისრება.

„ქართული ოცნება“ თავისი პროპაგანდისტული გზავნილებით, მათ შორის, კონტროლირებადი მედიასაშუალებებით ცდილობს წარმოაჩინოს განსხვავებული რეალობა და ამ განსხვავებულ რეალობაში, ისინი ამბობენ, რომ აშშ, რომელიც მტერია მათი პროპაგანდით, ხელისუფლებას არ ასანქცირებს. თუ გადახედავთ სანქცირებული ქვეყნების ნუსხას, მხოლოდ და მხოლოდ ავტორიტარული ხელისუფლების წარმომადგენლები არიან ამერიკის სანქციების ქვეშ და ის, რომ „ქართული ოცნება“, ამ ავტორიტარულ ქვეყნებს შეუერთდა, ეს კიდევ ერთხელ აჩვენებს იმას, რომ ამ ქვეყანაში დემოკრატია ავტორიტარიზმად კეთდება და ეს მხოლოდ და მხოლოდ ივანიშვილის ნება-სურვილიდან გამომდინარე, რომელიც პირდაპირ კრემლის ინტერესებთან თანხვედრაშია“, - განაცხადა აქუბარდიამ.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო