„საქართველოს ბანკის“ მხარდაჭერით,  სამაცივრე და საყინულე დანადგარების კომპანია  „ქართული ხილი და ბოსტნეული“ ფართოვდება

საქართველოს ბანკი“, როგორც ბიზნესის ერთგული პარტნიორი, ახალი პროექტების ხელშეწყობას აქტიურ რეჟიმში აგრძელებს - სწორედ ამ მიზნით, ბანკთან თანამშრომლობით სამაცივრე და საყინულე დანადგარების კომპანია „ქართული ხილი და ბოსტნეული“ ფართოვდება, - ამის შესახებ ინფორმაციას „საქართველოს ბანკი“ ავრცელებს.

კომპანიის ცნობით, პროექტის ჯამური ღირებულება 5.7 მილიონი ლარია. ბანკის მიერ განხორციელებული ინვესტიცია კი 4.9 მილიონ ლარს შეადგენს.

მათივე ინფორმაციით, პროექტის ფარგლებში თანამედროვე სტანდარტების შესაბამისი, 600 ტონა მოცულობის საყინულე საკანი აშენდა, რომელიც გერმანულ-ჰოლანდიური აგრეგატებით არის აღჭურვილი. ასევე, მოხდა უკვე არსებული სამაცივრე მეურნეობის ტემპერატურის და ტენიანობის მართვის თანამედროვე სისტემებით გადაიარაღება და რეკონსტრუქცია. კომპანია ამით არ ჩერდება და სამომავლოდ ელექტრო ენერგიის დაზოგვისა და გარემოზე ზრუნვის მიზნით, მზის სადგურის მშენებლობას გეგმავს. პროცესშია 1,000 ტონა მოცულობის საყინულეს მშენებლობა. ასევე, გეგმაშია მშრალი სასაწყობე სივრცის მოწყობაც. ამით კომპანია ტვირთის მიღების, გაცემისა და ტვირთბრუნვის თანამედროვე მართვის სისტემებით აღჭურვას უზრუნველყოფს.

„საქართველოს ბანკი“ მრავალი წელია ბიზნესის ერთგული მხარდამჭერია. შესაბამისად, ბანკი პარტნიორებთან ერთად სხვადასხვა პროექტების განხორციელებით არაერთი სექტორის განვითარებას უწყობს ხელს. ჩვენი მხარდაჭერით, პროექტები განხორციელებულია როგორც თბილისში, ასევე რეგიონებში. მოხარულები ვართ „ქართული ხილი და ბოსტნეული“ ჩვენი მხარდაჭერით ფართოვდება და საერთაშორისო სტანდარტების შესაბამის სამაცივრე საწყობს აშენებს, რაც ტვირთბრუნვას გაზრდის და კომპანიის სამომავლო განვითარებასა და გაძლიერებას შეუწყობს ხელს. გვინდა წარმატებები ვუსურვოთ გუნდს, ჩვენ კი არ ვჩერდებით და ვაგრძელებთ ბიზნესების გაძლიერებას“, - განაცხადა „საქართველოს ბანკის“ კორპორაციული გაყიდვების სექტორის უფროსმა, ირაკლი კიკალიშვილმა.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
„საქკაბელმა“ ენერგეტიკულ გამოფენაზე ახალი პროდუქცია წარადგინა
მედიაჰოლდინგ „ჯორჯიან თაიმსის” ბიზნეს რეიტინგის XXIII დაჯილდოების ცერემონიაზე PSP-მ 3 ჯილდო მიიღო
GM PHARMA-ს მორიგი აღიარება და საერთაშორისო PIC/S GMP სერტიფიკატი