იენს სტოლტენბერგი - რუსეთსა და ჩრდილოეთ კორეას შორის გაფორმებული პაქტი აჩვენებს, რომ ავტორიტარული ძალები სულ უფრო უახლოვდებიან ერთმანეთს

რუსეთსა და ჩრდილოეთ კორეას შორის გაფორმებული თავდაცვის პაქტი აჩვენებს ავტორიტარულ ძალებს შორის მზარდ დაახლოებას და ხაზს უსვამს დემოკრატიების ერთიანი ფრონტის მნიშვნელობას, - ამის შესახებ ნატო-ს გენერალურმა მდივანმა, ინს სტოლტენბერგმა განაცხადა.

სტოლტენბერგის განმარტებით, ჩრდილოეთ კორეამ რუსეთს მიაწოდა უზარმაზარი რაოდენობით საბრძოლო მასალა, ხოლო ჩინეთი და ირანი მოსკოვს უკრაინის წინააღმდეგ ომში სამხედრო დახმარებას უწევენ.

„უნდა გავაცნობიეროთ, რომ ავტორიტარული ძალები სულ უფრო და უფრო ახლოვდებიან. ისინი მხარს უჭერენ ერთმანეთს ისე, როგორც აქამდე არ გვინახავს. როდესაც ავტორიტარული რეჟიმები, როგორიცაა ჩრდილოეთ კორეა, ჩინეთი, ირანი და რუსეთი - სულ უფრო უახლოვდებიან ერთმანეთს, კიდევ უფრო მნიშვნელოვანია, რომ ჩვენ ვიყოთ ქვეყნები, რომლებსაც სჯერათ თავისუფლებისა და დემოკრატიის“, - აღნიშნა ნატო-ს ხელმძღვანელმა.

შეგახსენებთ, გუშინ რუსეთის პრეზიდენტმა ვლადიმერ პუტინმა და ჩრდილოეთ კორეის ლიდერმა კიმ ჩენ ინმა ფხენიანში ხელი მოაწერეს შეთანხმებას ორ ქვეყანას შორის თანამშრომლობის შემდგომი გაღრმავების შესახებ. ვლადიმერ პუტინის განცხადებით, სხვა საკითხებთან ერთად, დოკუმენტი ითვალისწინებს ურთიერთდახმარებას ერთ-ერთი მონაწილის წინააღმდეგ აგრესიის შემთხვევაში.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის