კანადამ ირანის ისლამური რევოლუციის გვარდიის კორპუსი ტერორისტულ ორგანიზაციად აღიარა

კანადამ ირანის ისლამური რევოლუციის გვარდიის კორპუსი ტერორისტული ორგანიზაციების სიაში შეიტანა, - ამის შესახებ კანადის საზოგადოებრივი უსაფრთხოების მინისტრმა, დომინიკ ლებლანმა განაცხადა.

მისი თქმით, ეს არის "მნიშვნელოვანი ინსტრუმენტი გლობალურ ტერორიზმთან ბრძოლაში".

„ეს ქმედება აგზავნის ძლიერ მესიჯს, რომ კანადა გამოიყენებს მის ხელთ არსებულ ყველა ინსტრუმენტს ტერორისტულ ერთეულ ირანის ისლამური რევოლუციის გვარდიის წინააღმდეგ საბრძოლველად. ირანის რეჟიმი მუდმივად ავლენს ადამიანის უფლებების უგულებელყოფას, როგორც ირანის შიგნით, ასევე მის ფარგლებს გარეთ, ასევე მზადყოფნას მოახდინოს საერთაშორისო წესებზე დაფუძნებული წესრიგის დესტაბილიზაცია“, - აღნიშნა დომინიკ ლებლანმა.

კანადის საგარეო საქმეთა მინისტრმა, მელანი ჯოლიმ ირანში მყოფი კანადის მოქალაქეები გააფრთხილა, რომ, შესაძლოა, თვითნებური დაკავების საფრთხე დაემუქროთ.

„ჩემი გზავნილი ნათელია: ისინი, ვინც ახლა ირანში იმყოფება, დროა დაბრუნდნენ სახლში და ისინი, ვინც ირანში წასვლას აპირებენ, არ წავიდნენ“, - აღნიშნა მელანი ჯოლიმ.

ირანის ისლამური რევოლუციის გვარდიის კორპუსი ირანში მთავარი სამხედრო, პოლიტიკური და ეკონომიკური ძალაა, რომელსაც მჭიდრო კავშირები აქვს უზენაეს ლიდერთან, აიათოლა ალი ხამენეისთან.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის