უკრაინელებმა რუსების მიერ გაშვებული 5 რაკეტა და ყველა დრონი გაანადგურეს

რუსეთმა უკრაინაზე კიდევ ერთი კომბინირებული დარტყმა განახორციელა, საჰაერო თავდაცვამ რუსების მიერ გაშვებული 5 რაკეტა და ყველა „კამიკაძე დრონი“ გაანადგურა, - ინფორმაციას უკრაინის შეიარაღებული ძალების საჰაერო ძალების მეთაური, გენერალ-ლეიტენანტი ნიკოლაი ოლეშჩუკი ავრცელებს.

„20 ივნისის ღამეს რუსმა ოკუპანტებმა, უკრაინას რაკეტებისა და „შაჰედის“ ტიპის დრონების გამოყენებით დაარტყეს. მთლიანობაში, მტერმა გამოიყენა სხვადასხვა ტიპის 9 რაკეტა და 27 უპილოტო საფრენი აპარატი“, - აცხადებს ოლეშჩუკი.

მისი ინფორმაციით, რუსებმა უკრაინას X-101/X-555 ტიპის 4 ფრთოსანი რაკეტით, „ისკანდერ მ“ ტიპის 3 ბალისტიკური რაკეტით, X-59 ტიპის 2 მართვადი რაკეტით და Shahed-131/136 ტიპის 27 დრონით დაარტყეს.

უკრაინის საჰაერო ძალების ცნობით, უკრაინელებმა, საზენიტო ბრძოლის შედეგად, 32 საჰაერო სამიზნე ჩამოაგდეს, მათ შორის: X-101/X-555 ტიპის 4 ფრთოსანი რაკეტა, X-59 ტიპის მართვადი საავიაციო რაკეტა და Shahed-131/136 ტიპის 27 დრონი.

საჰაერო თავდაცვა მუშაობდა დნეპროპეტროვსკის, ზაპოროჟიეს, დონეცკის, ნიკოლაევის, ხერსონის, ხარკოვის, კიევის, ჩერკასის, პოლტავასა და ვინიცას ოლქებში.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო