ალუდა ღუდუშაური - ბატონმა ვაშაძემ თუ ვინმეს მიაყენა შეურაცხყოფა პირველ რიგში, საკუთარ თავს - ეს ის შემთხვევაა, როდესაც მთქმელზე უფრო მეტი გაიგო ადამიანმა

ბატონმა ვაშაძემ თუ ვინმეს მიაყენა შეურაცხყოფა პირველ რიგში, საკუთარ თავს - ეს ის შემთხვევაა, როდესაც მთქმელზე უფრო მეტი გაიგო ადამიანმა, - ამის შესახებ "ქართული ოცნების" დეპუტატმა, ალუდა ღუდუშაურმა ჟურნალისტებთან საუბრისას განაცხადა, რითაც „სტრატეგია აღმაშენებლის“ ლიდერის, გიორგი ვაშაძის მიერ პრემიერ-მინისტრის, ირაკლი კობახიძის „აუტისტად“ მოხსენიებას გამოეხმაურა.

როგორც ღუდუშაური აღნიშნავს, „ვაშაძისგან და მისნაირებისგან ეს არ უნდა გაგვიკვირდეს“.

„კორექტურად და რბილად რომ ვთქვათ, ეს ადამიანი არის აბსოლუტურად გალაქტიკაში გასული. მას არც პოლიტიკური ჩარჩოები აინტერესებს. რაც უფრო მოახლოვდება 26 ოქტომბერი, ბატონი ვაშაძისნაირებისგან, მისი პარტიის ცალკეული წევრებისგან და ზოგადად, კოლექტიური "ნაცმოძრაობისგან", მით მეტი ამორალურობის, მით მეტ დემაგოგიის და მით მეტი უსინდისობის მომსწრენი გავხდებით. ამას ჩვენ უნდა შევეგუოთ. სხვათა შორის, პირველი არ არის, როდესაც მან ასეთი ფორმით, თითქოსდა, კნინობითი ეპითეტისთვის გამოიყენა [ეს ტერმინი]. ეს აჩვენებს რეალურად იმ სახეს, რაც აქვს. ბატონი ვაშაძე არის "ნაციონალური მოძრაობის" ერთ-ერთი მთავარი აპოლოგეტი და "ნაციონალური მოძრაობის" წევრი რომ ხარ დღეს, ამაზე მეტი კნინობითი ფორმა ჩემი აზრით, უბრალოდ აღარ არსებობს. როგორ უნდა არ გრცხვენოდეს იმის, რომ დღეს "ნაციონალური მოძრაობის" წევრი იყო და იყო ამ სისხლიანი რეჟიმის და პარტიის ავანგარდში.

ეს ის შემთხვევაა, როდესაც მთქმელზე უფრო მეტი გაიგო ადამიანმა. ამით რეალურად, საზოგადოება. კიდევ უფრო მეტად დაინახა ბატონი ვაშაძის რეალური სახე. თუ ვინმეს შეურაცხყოფა მიაყენა პირველ რიგში, საკუთარ თავს," - განაცხადა ღუდუშაურმა.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის