ზურაბ ჭიაბერაშვილი - ჰელსინკის კომისიის განხილვა კიდევ ერთი დასტურია იმისა, რომ საქართველოს არ მოაკლდება ყურადღება და ქართველ ხალხს არ მოაკლდება ჩვენი მეგობრების მხარდაჭერა

ჰელსინკის კომისიის განხილვა კიდევ ერთი დასტურია იმისა, რომ საქართველოს არ მოაკლდება ყურადღება და ქართველ ხალხს არ მოაკლდება ჩვენი მეგობრების მხარდაჭერა, - ამის შესახებ „ერთიანი ნაციონალური მოძრაობის“ საგარეო მიმართულების მდივანმა ზურაბ ჭიაბერაშვილმა ჰელსინკის კომისიასთან დაკავშირებით განაცხადა.

მისი შეფასებით, პარტნიორი ქვეყნები ქართველი ხალხის მიტოვებას არ აპირებენ.

„ძალიან დიდი მნიშვნელობა აქვს, რომ ჩვენი მეგობრები და პარტნიორები შეერთებულ შტატებში, ევროკავშირში, არ ტოვებენ საქართველოს ყურადღების გარეშე და „რუსული კანონი“, ისევე როგორც ზოგადად შექმნილი მდგომარეობა წინასაარჩევნოდ, არის მათი ყურადღების საგანი. ძალიან მნიშვნელოვანია, რომ ვიცოდეთ ჩვენი პარტნიორები არ აპირებენ ქართველი ხალხის მიტოვებას ამ ისტორიულ ბრძოლაში თავისუფლებისთვის, ტერიტორიული მთლიანობისა და სუვერენიტეტისათვის. ჰელსინკის კომისიის ეს განხილვაც კიდევ ერთი დასტურია, რომ საქართველოს არ მოაკლდება ყურადღება და ქართველ ხალხს არ მოაკლდება ჩვენი მეგობრების მხარდაჭერა“, - განაცხადა ზურაბ ჭიაბერაშვილმა.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ევროკავშირი პროგრამა „განათლება დასაქმებისთვის” ფარგლებში მნიშვნელოვან შედეგებს აქვეყნებს
TNET-ის რეგისტრაციის ოფისი უძრავი და მოძრავი ქონების გაფორმებისა და რეგისტრაციისთვის თბილისში
.ge დომენი წელიწადი 1 ლარად - Domenebi.ge-ს მომხმარებლებს დომენების 2 წლით შეძენა 51 ლარად შეუძლიათ
გაზრდილი სიჩქარე, უცვლელი ფასი