მაია სანდუმ მოლდოვის ევროკავშირში გაწევრიანებაზე მოლაპარაკებების დაწყების შესახებ  განკარგულებას ხელი მოაწერა

მოლდოვის პრეზიდენტმა მაია სანდუმ ხელი მოაწერა განკარგულებას ქვეყნის ევროკავშირში გაწევრიანებაზე მოლაპარაკებების დაწყების შესახებ.

„დღეს ხელი მოვაწერე განკარგულებას მოლდოვას ევროკავშირში გაწევრიანების მოლაპარაკებების დაწყების შესახებ. ევროკავშირში გაწევრიანება არის ჩვენი გზა მშვიდობის, კეთილდღეობისა და ყველა მოქალაქისთვის უკეთესი ცხოვრებისკენ“, - დაწერა მაია სანდუმ სოციალურ ქსელ X-ში.

მისი თქმით, მოლდოვას რესპუბლიკამ ევროკომისიის ყველა რეკომენდაცია შეასრულა.

„ამგვარად, კანდიდატი ქვეყნის სტატუსის მიღებიდან ორი წლის შემდეგ, 25 ივნისს გაიმართება მოლდოვა-ევროკავშირის პირველი სამთავრობათაშორისო კონფერენცია, რომელიც გაწევრიანების მოლაპარაკებების დაწყებას აღნიშნავს. ქვეყნის მოდერნიზაციის ძალისხმევის უკან სამთავრობო ინსტიტუტების ათასობით ადამიანი დგას და თითოეული მათგანის მუშაობას გადამწყვეტი გავლენა აქვს ჩვენი ქვეყნის მიზნის მიღწევაზე - მოამზადოს ქვეყანა 2030 წლისთვის ევროკავშირში გაწევრიანებისთვის,” - განაცხადა სანდუმ ევროპასთან ინტეგრაციის ეროვნული კომისიის შეხვედრის შემდეგ.

პრეზიდენტის თქმით, შეხვედრაზე შეათანხმეს მოლაპარაკების ზოგადი პოზიცია, რომელსაც მთავრობა დაამტკიცებს. ამასთან, ევროკავშირთან მთავარ მომლაპარაკებლად ევროინტეგრაციის საკითხებში ქვეყნის ვიცე-პრემიერი, კრისტინა გერასიმოვი დაინიშნა.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო