ქუთაისში IV საერთაშორისო ფორუმი დასრულდა

ქუთაისში IV საერთაშორისო ფორუმი დასრულდა. ფორუმის მეორე სამუშაო დღე ქალაქების კულტურის პოტენციალის გამოვლენის საკითხებზე საუბრით დაიწყო. ამის შესახებ ინფორმაციას ქუთაისის მერია ავრცელებს.

როგორც გავრცელებულ განცხადებაშია ნათქვამი, ქუთაისისთვის, როგორც იუნესკოს შემოქმედებითი ქალაქების ქსელის წევრისთვის, უმნიშვნელოვანესია ევროპის ლიტერატურული ქალაქების გამოცდილება. სესიაზე თავიანთი ქალაქების შემოქმედებითი პოტენციალი და მიღწევები წარადგინეს ლუბლიანას, კრაკოვის, რეიკიავიკის, ტარტუს, ნოტინგემის წარმომადგენლებმა.

სესიები გაიმართა თემებზე: "პროექტების მართვის ოპტიმიზაცია მომავლისთვის მზადმყოფ ქალაქებში" და "მოაზროვნე ქალაქების მწვანე გადაწყვეტილებები". ფორუმის მონაწილეებმა საქართველოდან და ევროპის ქვეყნებიდან ისაუბრეს თავიანთი გამოცდილებებსა და გამოწვევებზე ჭკვიანი, მწვანე ქალაქების მშენებლობის პროცესში.

ფორუმის მუშაობა საქართველოს რეგიონული განვითარებისა და ინფრასტრუქტურის მინისტრის მოადგილემ მზია გიორგობიანმა და ქუთაისის მერმა იოსებ ხახალეიშვილმა შეაჯამეს.

"ქუთაისის IV საერთაშორისო ფორუმი დასრულდა. ორი დღის განმავლობაში, ფორუმის მონაწილეებმა ვიმსჯელეთ მომავლის ქალაქების მშენებლობის ფუნდამენტურ მიმართულებებზე, ერთმანეთს გავუზიარეთ საუკეთესო გამოცდილებები და გამოწვევების დაძლევის მეთოდები.

ეს იყო საინტერესო შეხვედრებისა და გადაწყვეტილებების ფორუმი - წარმომადგენლობითი და მრავალმხრივ საინტერესო.

მადლობა მინდა ვუთხრა ყველა ადამიანს, რომელთა თანადგომითაც შესაძლებელი გახდა ასეთი მაღალი დონის საერთაშორისო ღონისძიების მომზადება - ორგანიზატორებს, პარტნიორებს, მონაწილეებს, ტექნიკურ პერსონალს,

განსაკუთრებული მადლობა საქართველოს რეგიონული განვითარებისა და ინფრასტრუქტურის მინისტრის მოადგილეს, ქალბატონ მზია გიორგობიანს, რომელიც ჩვენთან ერთად უძღვებოდა ფორუმის მუშაობას და ქუთაისის საერთაშორისო უნივერსიტეტს ღირსეული მასპინძლობისთვის.

ქუთაისის საერთაშორისო ფორუმი უკვე ტრადიციაა, რომელიც გაგრძელდება", - განაცხადა იოსებ ხახალეიშვილმა.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
„საქკაბელმა“ ენერგეტიკულ გამოფენაზე ახალი პროდუქცია წარადგინა
მედიაჰოლდინგ „ჯორჯიან თაიმსის” ბიზნეს რეიტინგის XXIII დაჯილდოების ცერემონიაზე PSP-მ 3 ჯილდო მიიღო
GM PHARMA-ს მორიგი აღიარება და საერთაშორისო PIC/S GMP სერტიფიკატი