თეონა აქუბარდია - პრემიერის ანგარიშში ტყუილებისა და სადღეგრძელოების გარდა სხვა არაფერია

მიუხედავად იმისა, რომ „ქართული ოცნების“ წევრები „შატალოზე“ დადიან და სესიაზე მოსვლას აგვიანებენ ხოლმე, ვფიქრობ, პრემიერის ანგარიშზე მობილიზაცია იქნება „ქართულ ოცნებაში“ გამოცხადებული და კვორუმის პრობლემა არ იქნება, - ამის შესახებ ოპოზიციონერმა დეპუტატმა, თეონა აქუბარდიამ „პალიტრანიუსს“ განუცხადა.

მისი თქმით, პრემიერ-მინისტრის ანგარიშში „ტყუილებისა და სადღეგრძელოების გარდა სხვა არაფერი არ იკითხება“.

როგორც აქუბარდიამ აღნიშნა, დასმულ კითხვებზე ირაკლი კობახიძემ არა მხოლოდ მას, არამედ ქართველ ხალხს უნდა გასცეს პასუხი.

„მიუხედავად იმისა, რომ „ქართული ოცნების“ წევრები „შატალოზე“ დადიან და სესიაზე მოსვლას აგვიანებენ ხოლმე, ვფიქრობ, პრემიერის ანგარიშზე მობილიზაცია იქნება „ქართულ ოცნებაში“ გამოცხადებული და კვორუმის პრობლემა არ იქნება. თუმცა, რა თქმა უნდა, მომხსენებლის პრობლემა არის, ისევე როგორც ანგარიშის, სადაც ტყუილებისა და სადღეგრძელოების გარდა სხვა არაფერი არ არის. მთავარი, ყველაზე მტკივნეული საკითხი, რაზეც მე ვაპირებ კითხვების დასმას, არის: რატომ გვატყუებს მაშინ, როდესაც დეოკუპაციის ხედვის შემუშავება, რომელიც სამი წლის განმავლობაში მიმდინარეობდა მთავრობაში, ანგარიშიდან ამოღებულია; რატომ გვატყუებს საკუთარი მოქალაქეების დაცვაზე მაშინ, როდესაც თამაზ გინტურის მკვლელობის მიუხედავად ტატუნაშვილი-ოთხოზორიას სია საერთოდ გამქრალია ანგარიშიდან; და რას უპირებს ამ ქვეყნის თავდაცვისუნარიანობას იმ ფონზე, როდესაც საქართველოსთან ამერიკა დახმარებას ამცირებს და საუბრობს, რომ ეს საბოლოოდ „ქართული ოცნების“ დამსახურებით დასრულდება. ამ კითხვებზე მან პასუხი უნდა გასცეს ქართველი ხალხის წინაშე და არა მხოლოდ ჩემთან“, - აღნიშნა აქუბარდიამ.

ცნობისთვის, საქართველოს პრემიერ-მინისტრი, ირაკლი კობახიძე 28 ივნისს საქართველოს პარლამენტში, მთავრობის ყოველწლიურ ანგარიშს პლენარულ სხდომაზე წარადგენს.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო