გურამ მაჭარაშვილი - ჩვენ გვინდა დავიცვათ ჩვენი ქვეყანა, საზოგადოება, განსაკუთრებით არასრულწლოვანები ამ ლგბტ პროპაგანდისგან, რომელიც არის რეალური

ჩვენ მსოფლიოში ვხედავთ უკვე, რომ საზოგადოების აბსოლუტური უმრავლესობა არ ემხრობა „გეი პარადების“ ჩატარებას, არ ემხრობა ლგბტ პროპაგანდას, ბავშვებში განსაკუთრებით და არც მოზარდებში. სხვათა შორის, ევროპის საზოგადოების უდიდესმა ნაწილმა და წამყვანი ევროპული ქვეყნების საზოგადოების უმრავლესობამ ეს უკვე დაადასტურა, როცა უარი უთხრა ამ ულტრა ლიბერალურ მიდგომებს, მათ შორის ლგბტ პროპაგანდის მიმართულებით. შესაბამისად, საქართველოში ჩვენ გვინდა დავიცვათ ჩვენი ქვეყანა, საზოგადოება, განსაკუთრებით არასრულწლოვანები ამ ლგბტ პროპაგანდისგან, რომელიც არის რეალური, – ამის შესახებ პარტია „ხალხის ძალის“ აღმასრულებელმა მდივანმა, გურამ მაჭარაშვილმა ჟურნალისტებთან საუბრისას განაცხადა.

მისი თქმით, ოპოზიცია ვერ ხედავს, რომ უკრაინიზაცია დამღუპველია ქვეყნისთვის, შესაბამისად არაა გასაკვირი ლგბტ პროპაგანდას თუ ვერ ხედავენ.

„ოპოზიციას რაც შეეხება, ისინი იმასაც ვერ ხედავენ, რომ უბედურება ხდება სამწუხაროდ უკრაინაში, ვერ ხედავენ ამას, მათ ჰგონიათ, რომ იქ არის ძლიერი დემოკრატია და აყვავებული ეკონომიკა. ჩვენ ვხედავთ, რომ უკრაინიზაცია ქვეყნისთვის არის დამღუპველი, ამიტომ ახლა თუ ლგბტ პროპაგანდასაც ოპოზიცია ვერ ხედავს ეს გასაკვირი არ არის და მინდა კიდევ ერთხელ შევახსენო, ლგბტ დროშით იარონ წინასაარჩევნო კამპანიის დროს და თავის ამომრჩეველს აუხსნან - რატომ დადიან ლგბტ დროშით“ , - განაცხადა მაჭარაშვილმა

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო