აფხაზეთში, რუსეთთან ე.წ. საზღვარზე მომხდარ მკვლელობაში ეჭვმიტანილები დააკავეს

სამართალდამცავებმა აფხაზეთში, რუსეთ-აფხაზეთის საზღვარზე სროლაში ეჭვმიტანილები დააკავეს, - ინფორმაციას რუსული მედია გაგრის რაიონის ე.წ. პროკურატურაზე დაყრდნობით ავრცელებს.

ოკუპირებული აფხაზეთის ე.წ. შინაგან საქმეთა მინისტრის, რობერტ კიუტის განმარტებით, სროლის ექვსი მონაწილიდან სამი დააკავეს, მათგან ერთი -რუსეთის ტერიტორიაზე. კიდევ სამს კი ეძებენ. მისივე ინფორმაციით ყველა ეჭვმიტანილი „აფხაზეთის მოქალაქეა“. დაპირისპირების მიზეზი ხანგრძლივი ქონებრივი კონფლიქტი გახდა.

ე.წ. საზღვარზე სროლა გუშინ მოხდა. ოკუპირებული აფხაზეთის ე.წ. შინაგან საქმეთა სამინისტროს ინფორმაციით, დაიღუპა ერთი და დაშავდა სამი მოქალაქე, მათ შორის ერთი არასრულწლოვანი. მომხდართან დაკავშირებით სისხლის სამართლის საქმე მკვლელობისა და იარაღის უკანონოდ შენახვა-გადატანის მუხლებით აღიძრა.

ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო