ლევან ბეჟაშვილი - მიუხედავად „ქართული ოცნების“ წარმომადგენლების პროტესტისა, ევროსაბჭოს შემადგენლობამ გადაწყვეტილებას აბსოლუტური უმრავლესობით მხარი დაუჭირა და 27 ივნისს იქნება დებატები საქართველოზე

მიუხედავად „ქართული ოცნების“ წარმომადგენლების პროტესტისა, რომ ეს დებატები არ გამართულიყო, ევროსაბჭოს შემადგენლობამ ამ გადაწყვეტილებას აბსოლუტური უმრავლესობით მხარი დაუჭირა და ხუთშაბათს, 27 ივნისს, მთავარი ევროპის პოლიტიკური დღის წესრიგის საკითხი გვექნება - დებატები საქართველოზე, - ამის შესახებ საპარლამენტო ფრაქცია „ერთიანი ნაციონალური მოძრაობის“ დეპუტატმა, ლევან ბეჟაშვილმა ევროსაბჭოში საქართველოზე დებატების ჩანიშვნასთან დაკავშირებით განაცხადა.

მისივე თქმით, ევროსაბჭომ საგანგებო დებატები საქართველოში დემოკრატიის განვითარებასთან დაკავშირებით ჩანიშნა, რადგან ისინი დაინტერესებულები არიან საქართველოში არსებული ვითარებით.

„ჩვენი ევროპელი პარტნიორები დაინტერესებულნი არიან საქართველოში არსებული ვითარებით. მათთვის მნიშვნელოვანია ქართველი ხალხის პოზიცია საქართველოს ევროპულ მომავალთან, პერსპექტივასთან მიმართებაში და ამიტომ სრულ სოლიდარობას უცხადებენ.

დღეს ევროსაბჭომ საგანგებო დებატები საქართველოში დემოკრატიის განვითარებასთან დაკავშირებით ჩანიშნა. ჩვენს ევროპელ პარტნიორებს საშუალება ექნებათ, თავისი პოზიცია გამოხატონ, იმ ვითარებასთან დაკავშირებით, რაც დღეს საქართველოშია - როდესაც ჩვენს ახალგაზრდებს, საზოგადოებას ქუჩაში ხვდებიან, მათზე ძალადობენ და ევროპულ მომავალს ართმევენ.

მიუხედავად „ქართული ოცნების“ წარმომადგენლების პროტესტისა, რომ ეს დებატები არ გამართულიყო, ევროსაბჭოს შემადგენლობამ ამ გადაწყვეტილებას აბსოლუტური უმრავლესობით მხარი დაუჭირა და ხუთშაბათს, 27 ივნისს, მთავარი ევროპის პოლიტიკური დღის წესრიგის საკითხი გვექნება - დებატები საქართველოზე“, - განაცხადა ლევან ბეჟაშვილმა, რომლის განცხადებასაც პარტია „ნაციონალური მოძრაობის“ პრესსამსახური ავრცელებს.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 18.07.2024
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის