ლევან იოსელიანი - საგამოძიებო უწყებებს მოვუწოდებ, უფრო ეფექტურად მოახდინონ სულ მცირე, იმ ადამიანების იდენტიფიცირება, რომლებიც კადრებში ჩანან - დაუსჯელობით არ წაახალისონ პროცესი, რომელიც მოქალაქეებზე თავდასხმას გულისხმობს

საგამოძიებო უწყებებს მოვუწოდებ, უფრო ეფექტურად მოახდინონ სულ მცირე, იმ ადამიანების იდენტიფიცირება, რომლებიც კადრებში ჩანან. დაუსჯელობით არ წაახალისონ ეს პროცესი, - ასე გამოეხმაურა სახალხო დამცველი ლევან იოსელიანი სამოქალაქო აქტივისტებზე განხორციელებულ ფიზიკურ ძალადობებს.

იოსელიანის განმარტებით, ადამიანები, რომლებიც ძალადობაში არიან ჩართულები, პასუხისგებაში უნდა იყვნენ მიცემული.

„ნებისმიერი ასეთი ფაქტი დასაგმობია, სახელმწიფომ ეფექტურად უნდა მოახდინოს რეაგირება ნებისმიერ ფაქტზე, როცა მოქალაქეებზე ანგარიშსწორება ხდება მისი პოლიტიკური ან სხვა ტიპის მოსაზრებების გამო, ეს არის არა მხოლოდ დასაგმობი, არამედ გამოსაძიებელი ფაქტი. ადამიანები, ვინც ამაში ჩართულები არიან, პასუხისგებაში უნდა მიეცნენ. ჩვენ ყველა შემთხვევაზე ვახდენთ რეაგირებას, შესაბამის უწყებასთან ვართ კომუნიკაციაში და გამოძიების შედეგებს ველოდებით. გამოძიების მასალებთან წვდომა არ გვაქვს, მაგრამ ჩვენი ინფორმაციით, მთელ რიგ შემთხვევებზე გამოძიება მიმდინარეობს და შედეგებს ველოდებით. იმის მიხედვით, როგორი იქნება შედეგები, მერე გავაკეთებთ შეფასებას გამოძიების ეფექტურობასთან დაკავშირებით. საგამოძიებო უწყებებს მოვუწოდებ, უფრო ეფექტურად მოახდინონ სულ მცირე, იმ ადამიანების იდენტიფიცირება, რომლებიც კადრებში ჩანან და რომელთა სახელების და გვარების იდენტიფიცირება რთული არ არის. დაუსჯელობით არ წაახალისონ ეს პროცესი, რომელიც მოქალაქეებზე თავდასხმას გულისხმობს. ნებისმიერი ასეთი ქმედება უკუკავშირს იწვევს და ვერ დავბრუნდებით იმ დროში, როცა ქუჩაში ერთმანეთს ჯგუფები და ბანდები უსწორდებოდნენ, ამას ჭირდება სახელმწიფოს ძალიან მკაცრი ჩარევა და პასუხისგებაში მიცემა ყველა იმ ადამიანის, ვინც ამაშია ჩართული",- განაცხადა იოსელიანმა.

ცნობისთვის, მედიაში გავრცელებული ინფორმაციით, დღეს კიდევ ერთ სამოქალაქო აქტივისტს, ნიკო გაფრინდაშვილს გაუსწორდნენ ფიზიკურად.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია