მამუკა მდინარაძე - ჩვენ დავძლევთ სალომე ზურაბიშვილის ვეტოს საარჩევნო ცვლილებებთან დაკავშირებით კანონზე - ოპოზიციის „მესიჯი“, რომელიც ზურაბიშვილის ხელმძღვანელობით არის დალაგებული, სპეკულაციურია

„ქართული ოცნების“ აღმასრულებელი მდივნის, საპარალემენტო უმრავლესობის ლიდერის, მამუკა მდინარაძის განცხადებით, უმრავლესობა პრეზიდენტის ვეტოს საარჩევნო ცვლილებებთან დაკავშირებით, დაძლევს.

როგორც მდინარაძემ „ქართული ოცნების“ ოფისში უმრავლესობის სხდომის დასრულების შემდეგ გამართულ ბრიფინგზე განაცხადა, ოპოზიციის „მესიჯი“ სალომე ზურაბიშვილის ხელმძღვანელობით არის დალაგებული და სპეკულაციურია.

„ჩვენ დავძლევთ სალომე ზურაბიშვილის ვეტოს, რომელიც მან საარჩევნო ცვლილებებთან დაკავშირებით დაადო ჩვენ მიერ მიღებულ კანონს. დღეს მთელი დღის განმავლობაში ვუსმენ კომენტარებს, აბსოლუტურად, არარელევანტურს. ბოლო დღეებში, ასეთი „მესიჯბოქსი“ დახვეწეს - ერთპარტიული ცესკოს შესახებ, როდესაც 9 პარტიაა წარმომადგენელი, ისევე, როგორც „ქართული ოცნება“ ერთ-ერთია იმ 9 პარტიაში, რომლებიც პროფესიულ წევრებთან ერთად გადაწყვეტილებას იღებენ. ამიტომ ოპოზიციის „მესიჯი“, რომელიც სალომე ზურაბიშვილის ხელმძღვანელობით დალაგებულია, სპეკულაციურია, თითქოს ცესკოს შემადგენლობა ერთპარტიულია. მათ უბრალოდ, უნდოდათ, მათ პარტიულ წარმომადგენლებს დაებლოკათ გადაწყვეტილები. ამ შემთხვევაშიც, გადაწყვეტილებები 2/3- ით მიიღება, რაც კანონშია გაწერილი და შემდეგ თუკი ცესკოს შემადგენლობა 2/3 -ით ვერ მიიღებს გადაწყვეტილებას, საქართველოს პარლამენტი მიიჩნევს, რომ შემდეგ უმრავლესობით იქნას მიღებული გადაწყვეტილება. წინააღმდეგ შემთხვევაში, საბოტაჟის საშუალება ექნებოდათ პარტიულ წევრებს“,- განაცხადა მდინარაძემ.

ამასთან, უმრავლესობის ლიდერის თქმით, პარლამენტში მიმდინარე კვირაში ე.წ. ლგბტ პროპაგანდის წინააღმდეგ კანონების პაკეტს განიხილავენ და პირველი მოსმენით მიიღებენ.

„საშემოდგომო სესიაზე ჩვენ მეორე და მესამე მოსმენით მივიღებთ ამ კანონს. ასევე, განხილვაზე შემოვიტანთ საკონსტიტუციო ცვლილებებს, სამწუხაროდ, მას ვერ მივიღებთ, თუმცა შეიძლება მივიღოთ სარეიტინგო კენჭისყრა, ვნახოთ ვინ უჭერს მხარს და ვინ არა, თუ სარეიტინგო კენჭისყრა აჩვენებს, რომ შესაძლებელია გავიდეს საკონსტიტუციო ცვლილები ამ მიმართულებით, ხომ კარგი, თუ არა და დაველოდებით შემდეგი პარლამენტის შემადგენლობას, რომ ეს წესი და წესები განვამტკიცოთ კონსტიტუციურადაც“, - განაცხადა მდინარაძემ.

ამასთან, მდინარაძის თქმით, მიმდინარე კვირაში აირჩევენ უზენაესი სასამართლოს მოსამართლეებს აირჩევენ. გარდა ამისა, პარლამენტი საზოგადოებრივი მაუწყებლის ბორდის წარმომდგენლებსაც აირჩევს. ხოლო 28 ივნისს, პარლამენტში ანგარიშით წარდგება პრემიერ-მინისტრი, ირაკლი კობახიძე.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია