ჯულიან ასანჟი, ჯო ბაიდენის ადმინისტრაციასთან საპროცესო შეთანხმების გაფორმების სანაცვლოდ, აშშ-ში პატიმრობას თავიდან აიცილებს  - მან ბრიტანეთის ციხე უკვე დატოვა

WikiLeaks-ის დამფუძნებელი ჯულიან ასანჟი დასთანხმდა, აღიაროს ბრალი, სისხლის სამართლის დანაშაულთან დაკავშირებით, რომლის თანახმადაც მას როლი მიუძღვის შეერთებული შტატების მთავრობის საიდუმლო მასალების ერთ-ერთ უმსხვილეს გაჟონვაში.

CNN-ის ინფორმაციით, აშშ-ის იუსტიციის დეპარტამენტთან დადებული ეს საპროცესო შეთანხმება საშუალებას მისცემს ასანჟს, თავი აარიდოს შეერთებულ შტატებში პატიმრობას და დაუყოვნებლივ დაბრუნდეს თავის მშობლიურ ქვეყანაში, ავსტრალიაში.

საპროცესო შეთანხმება ფედერალურმა მოსამართლემ უნდა დაამტკიცოს, მაგრამ WikiLeaks-ის ცნობით, ასანჟი დიდი ბრიტანეთის ციხიდან უკვე გაათავისუფლეს და მან უკვე დატოვა ქვეყანა.

შეგახსენებთ, 52 წლის ჯულიან ასანჟს ბრალი წაყენებული ჰქონდა ეროვნული თავდაცვის შესახებ ინფორმაციის მოპოვებისა და გამჟღავნების მიზნით შეთქმულებაში. აშშ წლების განმავლობაში ამტკიცებდა, რომ Wikileaks-ის ფაილები - რომელიც ავრცელებდა ინფორმაციას ერაყისა და ავღანეთის ომების შესახებ - საფრთხეს უქმნიდა ადამიანების სიცოცხლეს. ასანჟმა ბოლო ხუთი წელი ბრიტანეთის ციხეში გაატარა, საიდანაც აშშ-ში ექსტრადიციის წინააღმდეგ იბრძოდა.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 18.07.2024
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის