ემანუელ მაკრონი - ულტრამემარჯვენე, ან ულტრამემარცხენე პარტია საფრანგეთში სამოქალაქო ომს გამოიწვევს

საფრანგეთის პრეზიდენტის, ემანუელ მაკრონის განცხადებით, ულტრამემარჯვენე პარტია „ნაციონალური გაერთიანება“ და მემარცხენე კოალიცია „ახალი სახალხო ფრონტი“ ქვეყანაში სამოქალაქო ომის საფრთხეს ქმნიან.

მაკრონმა მედიასთან საუბარში განაცხადა, რომ „ნაციონალური გაერთიანების“ მანიფესტი და გადაწყვეტილებები დანაშაულისა და მიგრაციის პრობლემებთან გასამკლავებლად სტიგმატიზაციას და დაყოფას ეფუძნება.

„ვფიქრობ, რომ ულტრა მემარჯვენეების მიერ შემოთავაზებული გადაწყვეტილებები სრულიად მიუღებელია, რადგან ის ყოფს ადამიანებს მათი რელიგიის ან წარმომავლობის მიხედვით და სწორედ ამიტომ იწვევს განხეთქილებას და სამოქალაქო ომს“, - განაცხადა მაკრონმა.

მან ასევე გააკრიტიკა ულტრამემარცხენე პარტია La France Insoumise (LFI), რომელიც „ახალი სახალხო ფრონტის“ კოალიციის ნაწილს წარმოადგენს.

„მის უკანაც სამოქალაქო ომია, რადგან როცა ახდენთ ადამიანების კატეგორიზაციას მხოლოდ მათი რელიგიური მსოფლმხედველობის ან იმ საზოგადოების მიხედვით, რომელსაც ისინი მიეკუთვნებიან, რაც გარკვეულწილად არის უფრო ფართო ეროვნული საზოგადოებისგან მათი იზოლაციის გამართლების საშუალება, ამ შემთხვევაში თქვენ გექნებათ სამოქალაქო ომი მათთან, ვინც არ იზიარებს იმავე ღირებულებებს“, - აღნიშნა მაკრონმა.

შეგახსენებთ, Ipsos-ის მიერ 19-20 ივნისს ჩატარებული გამოკითხვების თანახმად, საფრანგეთში საპარლამენტო არჩევნების წინ, ულტრამემარჯვენე პარტია „ნაციონალური გაერთიანება“ 35.5%-ით ლიდერობს, მეორე ადგილზეა მემარცხენე კოალიცია „ახალი სახალხო ფრონტი“ 29.5%-ით, პრეზიდენტ ემანუელ მაკრონის ცენტრისტული ალიანსი კი მესამე ადგილზეა ხმების 19.5%-ით.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის