გუბერნატორი - ბელგოროდში დრონებით თავდასხმის შედეგად, 1 ადამიანი დაიღუპა
ბელგოროდში დრონებით თავდასხმის შედეგად, 1 ადამიანი დაიღუპა - ამის შესახებ ინფორმაციას ბელგოროდის ოლქის გუბერნატორი, ვიაჩესლავ გლადკოვი ავრცელებს.
„დილით ცნობილი გახდა, რომ მშვიდობიანი მოქალაქე დაიღუპა. ხანდაზმული ქალი საკუთარ სახლში პირდაპირი დარტყმის შედეგად გარდაიცვალა“, - განაცხადა ვიაჩესლავ გლადკოვმა.
რუსეთის თავდაცვის სამინისტროს ცნობით, ღამით ბელგოროდზე დრონებით მასიური თავდასხმა განხორციელდა. მათივე მტკიცებით, რუსეთის საჰაერო თავდაცვის სისტემამ 29 დრონი ჩამოაგდო.
