მამუკა მდინარაძე - ISFED-ზე რეპუტაციაწამხდარი ორგანიზაცია არ არსებობს - უბრალოდ სირცხვილია, როცა არჩევნებზე და მის კანონიერებაზე წინასწარ, ამდენი თვით ადრე საუბრობენ

ISFED-ზე რეპუტაციაწამხდარი ორგანიზაცია არ არსებობს. ის ძრავს ამ საკითხს, უბრალოდ სირცხვილია, როცა ISFED არჩევნებზე და მის კანონიერებაზე წინასწარ, ამდენი თვით ადრე საუბრობს, - ამის შესახებ უმრავლესობის ლიდერმა მამუკა მდინარაძემ განაცხადა.

ის აღნიშნულით ISFED-ის ანგარიშს გამოეხმაურა.

„ჩავარდნილი პიარ და პროპაგანდისტული პროექტი, - „არა რუსულ კანონს“ - ახლა მათი მიზანია არჩევნების ლეგიტიმაციის ეჭვქვეშ დაყენების პროპაგანდად გადაიქცეს. მომდევნო თვეების წინასწარი პროპაგანდა იქნება, რომ საქართველოში არჩევნები ყალბდება, სხვა პიარკამპანია დომინანტი არ იქნება. ეს იყო მიზანი აქამდეც, რომ არჩევნების ლეგიტიმაცია ეჭვქვეშ დაეყენებინათ და ახლაც ეს არის მათი მიზანი. ამის შესახებ, პირველი ვინ გამოდის? – ISFED, რომელიც მთავარი გამყალბებელია, უპრეცედენტო გამყალბებელია, მსოფლიოში არ ფიქსირდება სხვა შემთხვევა, მე არ მახსენდება, თუ იცით, გამახსენეთ, რომ პარალელური ხმის დამთვლელი ორგანიზაცია არჩევნების მონაცემებს აყალბებდეს. 2020-ში ISFED-მა ეს გააკეთა, ამაზე რეპუტაციაწამხდარი ორგანიზაცია არ არსებობს, ის ძრავს ამ საკითხს, ეს უბრალოდ სირცხვილია, როცა ISFED არჩევნებზე და მის კანონიერებაზე წინასწარ, ამდენი თვით ადრე საუბრობს“, - განაცხადა მდინარაძემ.

ცნობისთვის, არასამთავრობო ორგანიზაცია "სამართლიანი არჩევნები" "2024 წლის საპარლამენტო არჩევნების წინა პერიოდის გარემოს შეფასების" შესახებ ანგარიშს აქვეყნებს.

„სამართლიანი არჩევნების“ (ISFED) მიერ გამოქვეყნებული ანგარიშის მიხედვით, „ქართულმა ოცნებამ“ არაოფიციალური წინასაარჩევნო კამპანია დაიწო და გამოიკვეთა სახელმწიფო ინიციატივები, რომლებიც ადმინისტრაციული რესურსის საარჩევნო მიზნით გამოყენების ნიშნებს შეიცავს.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის