ურსულა ფონ დერ ლაიენი - ვულოცავ მოლდოვასა და უკრაინას გაწევრიანების მოლაპარაკებების დაწყებას - მოკლე გზა არ არსებობს, ის იქნება რთული, მაგრამ შესაძლებლობებით სავსე

ვულოცავ მოლდოვასა და უკრაინას გაწევრიანების მოლაპარაკებების დაწყებას, ეს ძალიან კარგი ამბავია უკრაინის, მოლდოვისა და მთელი ევროკავშირისთვის, - ამის შესახებ ევროკომისიის პრეზიდენტმა, ურსულა ფონ დერ ლაიენმა განაცხადა.

„კარგი ამბავია, რომ დღეს ევროკავშირი უკრაინასა და მოლდოვასთან გაწევრიანების მოლაპარაკებებს იწყებს, ჩვენ ვდგავართ ამ ორი ქვეყნისთვის და ჩვენი კავშირისთვის მნიშვნელოვანი და გარდამტეხი მომენტის ზღურბლზე და ვზეიმობთ იმ ღირებულებებსა და პრინციპებს, რომლებიც გვაკავშირებს“, - აღნიშნა ევროკომისიის პრეზიდენტმა.

მისი თქმით, ევროკავშირი ყოველთვის იყო უფრო მეტი ვიდრე პოლიტიკური და ეკონომიკური გაერთიანება, „ეს არის ჩვენი კოლექტიური მისწრაფების, მშვიდობის, უსაფრთხოების, დემოკრატიის, კეთილდღეობის დადასტურება“.

„უკრაინელმა და მოლდოველმა ხალხებმა აჩვენეს ურყევი ერთგულება და მონდომება, იყვნენ ევროპული პროექტის ნაწილი. ომისა და არეულობის დროსაც კი, მათ დაიწყეს მასშტაბური რეფორმები. მათ იციან, რომ ეს გზა იქნება მკაცრი და მომთხოვნი, გაწევრიანების მოლაპარაკებები შექმნილია იმისთვის, რომ მოამზადოს კანდიდატები წევრობის პასუხისმგებლობისთვის და სწორედ ამიტომ, მოკლე გზა არ არსებობს“, - აღნიშნა ურსულა ფონ დერ ლაიენმა.

მისი თქმით, ევროკავშირში გაწევრიანების გზა გამოწვევებით და მოთხოვნებით სავსე იქნება, მაგრამ ის ასევე სავსე იქნება უზარმაზარი შესაძლებლობებით უკრაინისთვის, მოლდოვასთვის ევროკავშირისთვის.

„გისურვებთ გაწევრიანების მოლაპარაკებების წარმატებულ დაწყებას“, - აღნიშნა ურსულა ფონ დერ ლაიენმა.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის