ირაკლი ქადაგიშვილი - „უცხოური გავლენის  გამჭვირვალეობის შესახებ“ კანონი ნელ-ნელა ბევრ საკითხს მოჰფენს ნათელს

არ შეიძლება, ერთი ხელით გარკვეულ პოლიტიკურ პოზიციას აფინანსებდე და მეორე ხელით, შემდგომ არჩევნებზე დამკვირვებელი უნდა იყო - ეს ორმაგი სტანდარტები უკვე იმდენად თვალშისაცემია, ვფიქრობ, „უცხოური გავლენის გამჭვირვალობის შესახებ“ კანონი ნელ-ნელა ბევრ ასეთ საკითხს მოჰფენს ნათელს,- ამის შესახებ საპროცედურო საკითხთა და წესების კომიტეტის თავმჯდომარემ ირაკლი ქადაგიშვილმა პარლამენტის პლენარულ სხდომაზე სიტყვით გამოსვლისას განაცხადა.

მისივე თქმით, 90-იანი წლების დასაწყისში უცხოურმა ორგანიზაციებმა საკმაოდ პოზიტიური და მნიშვნელოვანი როლი შეასრულეს, აქტიურად თანამშრომლობდნენ ახლად ჩამოყალიბებულ ქართულ პოლიტიკურ სპექტრთან და „ეს მისასალმებელი იყო და არის“.

„90-იანი წლების დასაწყისში, როდესაც ჩვენ ქვეყანაში მრავალპარტიულობა ყალიბდებოდა, საკმაოდ პოზიტიური და მნიშვნელოვანი როლი შეასრულეს უცხოურმა ორგანიზაციებმა, როგორიც იყო მაგალითად, NDI და IRI, საქართველოში თანამედროვე, დემოკრატიული პოლიტიკური კულტურის ელემენტების, სტრუქტურული მოწყობის, არჩევნების ორგანიზების კუთხით, იდეოლოგიური დოკუმენტების შექმნას ცდილობდნენ და ყოველივე ამ საკითხებში აქტიურად თანამშრომლობდნენ ახლად ჩამოყალიბებულ ქართულ პოლიტიკურ სპექტრთან და ეს მისასალმებელი იყო და არის“,- განაცხადა ქადაგიშვილმა.

მისივე თმით, დროთა განმავლობაში გამოჩნდა, რომ ამ ტიპის არასამთავრობო ორგანიზაციები მიკერძოებულ, პოლიტიკურად ანგაჟირებულ მოთამაშეებად გადაიქცნენ.

„ვხედავთ ტენდენციას, რომელიც ეროვნულ-დემოკრატიული ინსტიტუტის ბოლო აქტივობით გამოიხატა, როდესაც მათ ოპოზიციონერი დეპუტატები დააფინანსეს და სპეციალური პროგრამა მოამზადეს, რომ მათ მოსახლეობასთან შეხვედრები გაემართათ. ეს არის უკვე პირდაპირ პოლიტიკაში ჩარევა და პოლიტიკური საქმიანობის დაფინანსება, როდესაც შენ მოსახლეობასთან შეხვედრებს უორგანიზებ და უფინანსებ რომელიმე პოლიტიკურ პარტიას, ოპოზიცია იქნება თუ უმრავლესობა, ამ შემთხვევაშიც, როგორც წესი, პასუხი ამასთან დაკავშირებით არ არის. კიდევ ერთხელ ვიმეორებ - არ შეიძლება, რომ ერთი ხელით გარკვეულ პოლიტიკურ პოზიციას აფინანსებდე და მეორე ხელით, შემდგომ არჩევნებზე დამკვირვებელი უნდა იყო. ეს ორმაგი სტანდარტები უკვე იმდენად თვალში საცემია, რომ ვფიქრობ, „უცხოური გავლენის გამჭვირვალობის შესახებ“ კანონი ნელ-ნელა ბევრ ასეთ საკითხს მოჰფენს ნათელს“, - განაცხადა ირაკლი ქადაგიშვილმა.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო