გურამ მაჭარაშვილი - ე.წ. ოპოზიციურ გაერთიანებას იგივე ბედი აქვს, რაც მაგალითად, ხოშტარიას, ვაშაძის და ჯაფარიძის „ტროიკას“ ეწია, როდესაც ვნახეთ, რომ რამდენიმე კვირაში საპნის ბუშტივით გასკდა

ამ ე.წ. ოპოზიციურ გაერთიანებას იგივე ბედი აქვს, რაც მაგალითად, ხოშტარიას, ვაშაძის და ჯაფარიძის ე.წ. "ტროიკას" ეწია, როდესაც ვნახეთ, რომ რამდენიმე კვირაში საპნის ბუშტივით გასკდა, - ამის შესახებ "ხალხის ძალის" დეპუტატმა, გურამ მაჭარაშვილმა განაცხადა, რითაც ოპოზიციური პარტიების ნაწილის მიერ ერთიანობის დეკლარაციაზე ხელის მოწერა შეაფასა.

მისი თქმით, არსებობს "კოლექტიური ნაცმოძრაობა", რომელიც იმას გააკეთებს, რასაც ეტყვიან.

"ამ ე.წ. ოპოზიციურ გაერთიანებას იგივე ბედი აქვს, რაც მაგალითად, "დროას", ვაშაძის და გირჩი ჯაფარიძის ე.წ. "ტროიკას" ეწია. ვნახეთ, რომ რამდენიმე კვირაში საპნის ბუშტივით გასკდა. ასეთივე ბედი ელის ამ ე.წ. გაერთიანებას. რატომ? იმიტომ რომ მაგალითად, მელია-გვარამიას ახალმა პარტიამ იმაზეც კი ვერ მიიღო გადაწყვეტილება, თავმჯდომარე ვინ უნდა ყოფილიყო და ორივე არის თავმჯდომარე. რომელ გაერთიანებაზე ვსაუბრობთ, საკუთარ ახალ პარტიაშიც თავმჯდომარის პოზიცია ვერ გაიყვეს. ჩვენ არაერთხელ გვითქვამს, რომ "კოლექტიური ნაციონალური მოძრაობა" იყო. ხან დაშლიან, ხან გააერთიანებენ, მაგრამ მიზანი ერთია. ჩვენ გვახსოვს ასევე როგორ აბაკუნებდა ფეხებს და ამბობდა, რომ არავისთან გავერთიანდებიო მაგალითად, გახარია. იგივეს ამბობდა ხაზარაძე და ახლა რა ვიხილეთ? ხაზარაძემ თქვა გახარიაზე, რომ ვეძებდი როგორც მტერს და შევხვდი როგორც მოყვარესო. ეს არის მათი ბედი, ეს არის მათი აგენტობის ბედი, იმიტომ რომ მათ არავინ არაფერს ეკითხება. მთავარია, იქ ხელი მოუწერო აგენტობაზე და მერ ისე მოიქცევი როგორც გეტყვიან," - განაცხადა მაჭარაშვილმა.

ცნობისთვის, ოპოზიციური პარტიების ნაწილი ერთიანობის დეკლარაციას აწერს ხელს. როგორც მათ მიერ გავრცელებულ განცხადებაშია ნათქვამი, ერთიანობის დეკლარაციაზე ხელმოწერა გულისხმობს ერთიანობას, როგორც საპარლამენტო არჩევნებამდე, ასევე არჩევნების შემდეგ. ამასთან, მათივე თქმით, პარტიები ერთიანობის ყველაზე ეფექტური კონფიგურაციაზე არაუგვიანეს 8 ივლისამდე შეთანხმდებიან. დღეის მდგომარეობით, ამ დეკლარაციას ხელს აწერენ შემდეგი პოლიტიკური პარტიები: „ერთიანი ნაციონალური მოძრაობა“; „გირჩი- მეტი თავისუფლება“; პარტია „ახალი“; „ლელო“; „დროა“; „სტრატეგია აღმაშენებელი".

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია