მამუკა ხაზარაძე - “ლელოს” პოზიცია ერთიან სიაზე ცნობილია, ეს თემა დასრულებულია - ყველაფერს გავაკეთებთ, რომ ყველა ძალასთან, რომელიც საქართველოს რუსულ ხელისუფლებას ჩამოაშორებს, ვითანამშრომლოთ

პარტია “ლელოს” ერთ-ერთი ლიდერის, მამუკა ხაზარაძის განცხადებით, “ლელო” ყველა პოლიტიკურ ძალასთან ითანამშრომლებს, იმისათვის, რომ საქართველოს “რუსული ხელისუფლება მმართველობიდან ჩამოაშორონ”.

მისივე თქმით, “ლელოს” პოზიცია არჩევნებში ერთიანი სიით მონაწილეობასთან დაკავშირებით ცნობილია და “ეს თემა დასრულებულია”.

“ლელოს” პოზიცია ერთიან სიასთან დაკავშირებით ცნობილია. ეს თემა დასრულებულია. ნებისმიერი თანამშრომლობა, პარტნიორობა იმისათვის, რომ რუსული ხელისუფლება ჩამოვაშოროთ, ჩვენთვის არის მისასალმებელი, მისაღები. ყველაფერს გავაკეთებთ იმისათვის, რომ ყველა ძალასთან, ვინც საქართველოს რუსულ ხელისუფლებას ჩამოაშორებს, ვითანამშრომლოთ”, - განაცხადა ხაზარაძემ.

გარდა ამისა, ხაზარაძე გამოეხმაურა მედიაში გავრცელებულ ინფორმაციას, რომლის თანახმად, განსაკუთრებულ დავალებათა დეპარტამენტის ხელმძღვანელი, ზვიად ხარაზიშვილი იგივე „ხარება“ დასანქცირებულია და აღნიშნა, რომ “ყველა ის ადამიანი, რომელმაც ძალადობის წახალისებასა და აღსრულებაში მონაწილეობა მიიღო, კანონის მთელი სიმკაცრით იქნება დასჯილი, ოღონდ ახალი პროკურატურის და ახალი სასამართლოს პირობებში”.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო