მამუკა მდინარაძე - მხოლოდ იმიტომ, რომ შენი აგენტი არ ვარ, მეგობარი ვარ და შენს დაკრულზე ყველაფერზე არ ვცეკვავ, ამისათვის ნუ დამსჯი - ამას ველაპარაკები და ამასაც თავდასხმად აღიქვამენ, თუ ეუბნები, რომ სამართლიანად მომეპყარი, თავდასხმაა

ქართველი ხალხი რომ უყურებს, რა სანქციებზე მელაპარაკები, ნაცების დროს ერთი კაცი არ დაგინსანქიცრებია, რომელ სანქციებზე მელაპარაკები კანონის მიღების გულისთვის, რომელიც შენს ქვეყანაშიც გაქვს - ამაზე მასანქცირებ? მეტს კი არაფერს შვრებოდნენ "ნაცები", აბრალებდნენ, დაუბრალებლად კი არ კლავდნენ, ამან ეს დააშავაო და კლავდნენ. გირგვლიანსაც დააბრალეს, რაღაცები ქნაო და მოკლეს, - ამის შესახებ საპარლამენტო უმრავლესობის ლიდერმა, მამუკა მდინარაძემ, პარლამენტის პლენარულ სხდომაზე სიტყვით გამოსვლისას განაცხადა.

მისი თქმით, მეგობარი ქვეყანა "ნაცმოძრაობის" სტილში არ უნდა იქცეოდეს. როგორც მდინარაძემ აღნიშნა, მხოლოდ იმიტომ, რომ ქვეყნის დამოუკიდებლობისთვის იბრძვის ხელისუფლება, ამისთვის არ უნდა დაისაჯოს, „თუმცა, როდესაც სამართლიანად მოპყრობაზეა საუბარი, ამასაც თავდასხმად აღიქვამენ“.

„ამან ეს დააშავაო და იჭერდნენ, ჩემზე მეტი გამოცდილება ბევრს არ აქვს ამ ქვეყანაში მაგასთან დაკავშირებით. ჯერ ბრალს უყენებდნენ, ნამდვილად ჩაწიკწიკებული, კარგი გამართული ქართულით დაწერილი ბრალები იყო ხოლმე - აბრალებდნენ და ისე იჭერდნენ, ისე კლავდნენ ციხეში, თორემ დაუბრალებლად, არაფერი დაგიშავებია, მაგრამ წამოდი ციხეშიო, არავის უთქვამს. ჩვენც დაგვაბრალეს აგერ - ჩვენნაირი კი არა, რუსულია ეგ კანონი და ახლა სანქციებს დაგიწესებო. სტილი იგივეა და ამ სტილში ნუ მომექცევი, თუ მეგობარი ხარ. მხოლოდ და მხოლოდ იმიტომ, რომ შენი აგენტი არ ვარ, მეგობარი ვარ და შენს დაკრულზე ყველაფერზე არ ვცეკვავ, ჩემი ქვეყნის დამოუკიდებლობისთვის რომ ვიბრძვი, ამისათვის ნუ დამსჯი - ამას ველაპარაკები და ამასაც თავდასხმად აღიქვამენ. ახლა ნახეთ, "ნაცების" ტელევიზიებს უყურეთ, აუცილებლად იტყვიან, მამუკა მდინარაძე კვლავ თავს დაესხა დასავლეთსო - თუ ეუბნები, რომ სამართლიანად მომეპყარი, თავდასხმაა ეს. ასე იცვლება ტრენდები 21-ე საუკუნეში, რაც ცუდია, რასაც შეეწინააღმდეგება ჩვენი პატარა მაგრამ ამაყი ქვეყანა და არ დაუშვებს ამ ქვეყნის აგენტების მიერ მართვას." - აღნიშნა მამუკა მდინარაძემ.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია