პარლამენტმა 2023 წლის სახელმწიფო ბიუჯეტის შესრულების წლიური ანგარიში მოისმინა

პარლამენტის პლენარულ სხდომაზე საქართველოს 2023 წლის სახელმწიფო ბიუჯეტის შესრულების წლიური ანგარიში მოისმინეს, რომელიც ფინანსთა მინისტრის პირველმა მოადგილემ გიორგი კაკაურიძემ წარადგინა.

მისი ინფორმაციით, გასული წლის ბიუჯეტი დაგეგმილი იყო 5%-იანი ეკონომიკური ზრდის პირობებში, თუმცა მშპ-ს რეალურმა ზრდამ 7,5% შეადგინა და 80,246.1 მლნ ლარით განისაზღვრა. ეკონომიკური ზრდის პარალელურად, შემცირებულია ინფლაციის საშუალო მაჩვენებელი, რომელმაც საბოლოოდ 2,5% შეადგინა.

„ქვეყნის ეკონომიკაზე დადებითი გავლენა ჰქონდა საგარეო სექტორს. გასულ წელს საგარეო ვაჭრობით ბრუნვამ ჯამში, 21,604.6 მლნ. დოლარი შეადგინა. აქედან, ექსპორტის მაჩვენებელი იყო 6 მლრდ 090.6 მლნ დოლარი, ხოლო იმპორტის მაჩვენებელი კი 15,514.0 მლნ აშშ დოლარი", - განაცხადა მინისტრის პირველმა მოადგილემ.

გიორგი კაკაურიძის განმარტებით, ტურიზმიდან მიღებულმა შემოსავლებმა 4 მლრდ 125.3 მლნ აშშ დოლარი შეადგინა, რაც 17,3%-ით მეტია 2022 წლის მონაცემთან შედარებით.

ნაერთი ბიუჯეტის პარამეტრებზე საუბრისას, მომხსენებელმა აღნიშნა, რომ შემოსულობები შესრულდა გადაჭარბებით 102,2%-ით, რამაც 22 124 175.5 ლარი შეადგინა. მათ შორის, საგადასახადო შემოსავლებია 19 მლრდ 732 მლნ ლარი და შესრულების მაჩვენებელია - 101,7%. რაც შეეხება ხარჯვით ნაწილს, შესრულების მაჩვენებელი არის 100,2%.

მომხსენებელმა დეპუტატებს უწყებების მიერ ბიუჯეტის შესრულების მაჩვენებლებიც გააცნო და აღნიშნა, რომ თითქმის ყველა სამინისტროს მაჩვენებელი არის 98-99% და რიგ შემთხვევებში, კიდევ უფრო მაღალი.

„ეკონომიკური პარამეტრები ერთ-ერთი საუკეთესოა მსოფლიოში, იმის მიუხედავად, რომ 2023 წელს ბიუჯეტის ხარჯვითი ნაწილი 2022 წელთან შედარებით, მნიშვნელოვნად გაიზარდა. არაფერს ვაჭარბებ, მსოფლიოში საუკეთესოა. მხედველობაში მაქვს ბიუჯეტის დეფიციტი -2.2%, რომელსაც ევროპაში თითქმის ვერსად ვერ ნახავ, იგივე მთავრობის ვალის სიმცირე ერთ-ერთი საუკეთესოა, ასევე მაღალი ეკონომიკური ზრდა, დაბალი ინფლაცია, ამიტომ ბიუჯეტი არის კარგი", - განაცხადა საფინანსო-საბიუჯეტო კომიტეტის თავმჯდომარე პაატა კვიჟინაძემ სესიაზე და დასძინა, რომ წელსაც მაღალი ეკონომიკური ზრდა და დაბალი ინფლაცია გვაქვს.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
„საქკაბელმა“ ენერგეტიკულ გამოფენაზე ახალი პროდუქცია წარადგინა
მედიაჰოლდინგ „ჯორჯიან თაიმსის” ბიზნეს რეიტინგის XXIII დაჯილდოების ცერემონიაზე PSP-მ 3 ჯილდო მიიღო
GM PHARMA-ს მორიგი აღიარება და საერთაშორისო PIC/S GMP სერტიფიკატი