პარლამენტმა „განათლების ხარისხის შესახებ" კანონში ცვლილებებს მხარი დაუჭირა

პარლამენტმა პირველი მოსმენით, დაჩქარებული წესით განიხილა და ერთხმად დაუჭირა მხარი „განათლების ხარისხის განვითარების შესახებ" კანონში შესატან ცვლილებებს, რომელიც სხდომაზე განათლების, მეცნიერებისა და ახალგაზრდულ საქმეთა კომიტეტის თავმჯდომარის მოადგილემ ბაია კვიციანმა წარადგინა.

მომხსენებლის თქმით, ცვლილებების საფუძველია უმაღლესი განათლების ხარისხის უზრუნველყოფის ევროპული ასოციაციის (ENQA) რეკომენდაცია, რომლის თანახმადაც, კანონმდებლობაში დეტალურად უნდა გაიწეროს განათლების ხარისხის განვითარების ეროვნული ცენტრის დირექტორის დანიშვნისა და გათავისუფლების პირობები და წესი. ასევე, ცენტრის დირექტორი იმავდროულად არ შეიძლება იყოს დასაქმებული ან ეკავოს ნებისმიერი თანამდებობა აღმასრულებელ ხელისუფლებაში.

მისივე ინფორმაციით, აუცილებელია გაიზარდოს ცენტრის დამოუკიდებლობა, ამისთვის კი საჭიროა გაიზარდოს ცენტრის საკოორდინაციო საბჭოს მმართველობითი უფლებამოსილებები და ჩაერთოს დირექტორის დანიშვნისა და გათავისუფლების პროცესში.

ბაია კვიციანის თქმით, საქართველო განათლების ხარისხის უზრუნველყოფის ევროპული ასოციაციის წევრი 2019 წელს გახდა. მიმდინარე წლის სექტემბრამდე, ასოციაციამ უნდა მიიღოს საქართველოს ხელახალი წევრობის გადაწყვეტილება და სწორედ ამიტომ კანონპროექტი დაჩქარებული წესით განიხილება.

ცვლილების თანახმად, მოქმედ კანონს დაემატება საკოორდინაციო საბჭოს განმარტება და განისაზღვრება, რომ საკოორდინაციო საბჭო არის კოლეგიური ორგანო, რომელიც იქმნება 4 წლის ვადით. პროექტით აგრეთვე წესრიგდება ცენტრის დირექტორის დანიშვნისა და გათავისუფლების საკითხები.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო