პარლამენტმა „თამბაქოს კონტროლის შესახებ" კანონში შესატან ცვლილებებს მხარი დაუჭირა

პარლამენტმა პირველი მოსმენით, დაჩქარებული წესით განიხილა და 71 ხმით მხარი დაუჭირა „თამბაქოს კონტროლის შესახებ" კანონში შესატან ცვლილებებს, რომელიც სხდომაზე კანონპროექტის ერთ-ერთმა ინიციატორმა, ირაკლი კირცხალიამ წარადგინა.

საპარლამენტო ფრაქცია „ქართული ოცნების" თავმჯდომარის მოადგილის, ირაკლი კირცხალიას განმარტებით, თამბაქოს ნაწარმის შეფუთვის ახალი, გამკაცრებული რეგულაციები 2024 წლის 31 ივლისის ნაცვლად, მიმდინარე წლის 1 ოქტომბრიდან ამოქმედდება. გაუქმდება თამბაქოს ნაწარმის ღერზე შესაბამისი წარწერის დატანის აკრძალვა. ასევე, თამბაქოს ნაწარმის შეფუთვაზე შესაძლებელი იქნება თამბაქოს ნაწარმის მიკვლევადობის ნიშნის დატანა.

„აღნიშნული ცვლილება ხელს შეუწყობს პროდუქტის მიკვლევადობას და ბაზარზე ფალსიფიცირებული პროდუქტის დაშვების ერთგვარი პრევენციის შესაძლებლობა იქნება", - განაცხადა ირაკლი კირცხალიამ.

გარდა ამისა, წარმოდგენილი ცვლილების შედეგად, დასაღეჭი, შესასუნთქი თამბაქოს, სიგარის, ნიკოტინის შემცველი პროდუქტის, რომელიც არ შეიცავს თამბაქოს, შეფუთვაზე გავრცელდება ზუსტად ის რეგულაციები, რაც დღეის მდგომარეობით მოქმედებს „თამბაქოს კონტროლის შესახებ" საქართველოს კანონით გათვალისწინებულ გასახურებელ თამბაქოზე.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო