საქართველოს პრეზიდენტი სალომე ზურაბიშვილი გერმანიაში, ქალაქ გელზენკირხენში საქართველო-პორტუგალიის მატჩს დაესწრება.

ამის შესახებ ინფორმაციას პრეზიდენტის ადმინისტრაცია ავრცელებს.

„საქართველოს პრეზიდენტი დღეს გერმანიის ფედერაციული რესპუბლიკის ქალაქ გელზენკირხენში ევროპის ჩემპიონატზე საქართველო - პორტუგალიის მატჩს დაესწრება და ეროვნულ ნაკრებს უგულშემატკივრებს“, - ნათქვამია პრეზიდენტის ადმინისტრაციის განცხადებაში.