ქუთაისში სტიქიის სალიკვიდაციო სამუშაოები მიმდინარეობს

ქუთაისში მოსული უხვი ნალექის შედეგად დაიტბორა ქუჩები, კალაპოტიდან გადმოვიდა მდინარე ოღასკურა, რამაც პრობლემები შეუქმნა ადგილობრივ მოსახლეობას. ამის შესახებ ინფორმაციას ქუთაისის მერია ავრცელებს.

მათივე ცნობით, ზიანის ლიკვიდაციის მიზნით, ქალაქის მასშტაბით, უწყვეტ რეჟიმში მუშაობს შესაბამისი სამსახურები. სამუშაოებში უშუალოდაა ჩართული ქუთაისის მერი იოსებ ხახალეიშვილი და ადგილობრივი ხელისუფლების წარმომადგენლები.

"ქალაქში მოსულმა უხვმა ნალექმა, სამწუხაროდ, გარკვეული პრობლემები გამოიწვია. ადიდდა მდინარე ოღასკურა, რის შედეგადაც დაიტბორა ბუხაიძის და ავტომშენებლის ქუჩები, ხოლო წერეთლის და რუსთაველის ქუჩებზე წყლის ნაკადმა ნატანი ჩამოიტანა, რამაც შეაფერხა სანიაღვრეების მუშაობა.

ჩვენ მომენტალურად დავიწყეთ შექმნილ მდგომარეობაზე შესაბამისი რეაგირება - უწყვეტ რეჟიმში მუშაობენ როგორც მერიის "სპეციალური სერვისების" თანამშრომლები, ასევე, საგანგებო სიტუაციების მართვის სამსახურის და "ენერგო-პრო ჯორჯიას" წარმომადგენლები.

ამ ეტაპისთვის გზები გაწმენდილია, აღდგენილია ელექტროენერგიით მომარაგება. მუშაობს მერიის ცხელი ხაზი - 595250309, სადაც 24 საათის მანძილზე შეუძლია დარეკვა მოსახლეობას და რეაგირება იქნება მყისიერი.

აქვე მინდა აღვნიშნო, რომ მუნიციპალიტეტს უკვე შეძენილი აქვს მდინარე ოღასკურას რეაბილიტაციის პროექტი და ცენტრალური ხელისუფლების მხარდაჭერით, მიმდინარე წელსვე დაიწყება სარეაბილიტაციო სამუშაოები, რის შედეგადაც შევძლებთ ასეთი პრობლემების თავიდან აცილებას", - განაცხადა იოსებ ხახალეიშვილმა.

საჭიროების შემთხვევაში მოსახლეობას შეუძლია დარეკოს საგანგებო სიტუაციების მართვის სამსახურში: 112 ან ქუთაისის მერიის ცხელ ხაზზე: 595250309.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის