ამერიკის შეერთებული შტატების სახელმწიფო დეპარტამენტმა დაადასტურა, რომ უკრაინის დედაქალაქ კიევის ერთ-ერთ სასტუმროში აშშ-ის საელჩოს ატაშე გარდაცვალა.

აშშ-ის სახელმწიფო დეპარტამენტის პრესსპიკერმა, მეთიუ მილერმა ბრიფინგზე განაცხადა, რომ ამერიკულ მხარეს შეუძლია „დაადასტუროს აშშ-ის მთავრობის თანამშრომლის გარდაცვალება“.

მისი თქმით, აშშ-ის საელჩოს ატაშე, სავარაუდოდ, ბუნებრივი სიკვდილით გარდაიცვალა“.

შეგახსენებთ, გუშინ მედიაში გავრცელდა ინფორმაცია, რომ კიევში, Hilton-ის ერთ-ერთ ნომერში უკრაინაში აშშ-ის საელჩოს ატაშეს ცხედარი იპოვეს.