შეერთებული შტატები, ისრაელი და უკრაინა კიევისთვის Patriot-ის საჰაერო თავდაცვის 8-მდე სისტემის მიწოდებაზე მოლაპარაკებებს აწარმოებენ, - ამის შესახებ Financial Times-ი მოლაპარაკებების მიმდინარეობის შესახებ ინფორმირებულ წყაროებზე დაყრდნობით იუწყება.

გამოცემის თანამოსაუბრეების თქმით, შეთანხმება საბოლოოდ ჯერ არ გაფორმებულა, მაგრამ, სავარაუდოდ, ის ითვალისწინებს ისრაელის Patriot-ების გაგზავნას ჯერ შეერთებულ შტატებში, იქიდან კი უკრაინაში. მოლაპარაკებები სამი ქვეყნის მინისტრებისა და სხვა მაღალჩინოსნების დონეზე მიმდინარეობს.

Financial Times-ი წერს, რომ ამჟამად უკრაინას აქვს Patriot-ის მინიმუმ ოთხი სისტემა, რომელიც აშშ-მა და გერმანიამ მიაწოდეს და ახალი მარაგების შემთხვევაში, ქვეყნის თავდაცვისუნარიანობა მნიშვნელოვნად გაძლიერდება.