პრემიერი - იყო სამარცხვინო სპეკულაციები კონკრეტულ ფეხბურთელთან დაკავშირებით, რაც შემაშფოთებელია - ფეხბურთელი უნდა იყოს პოლიტიკური კონტექსტისგან დაცლილი და კონცენტრირებული იყოს ფეხბურთზე და თამაშზე

ამ დღეებში იყო გარკვეული სამარცხვინო სპეკულაციები კონკრეტულ ფეხბურთელთან დაკავშირებით, რაც ძალიან შემაშფოთებელია - ფეხბურთელი თავიდან ბოლომდე უნდა იყოს პოლიტიკური კონტექსტისგან დაცლილი და კონცენტრირებული უნდა იყოს ფეხბურთზე და თამაშზე, - ამის შესახებ პრემიერ-მინისტრმა, ირაკლი კობახიძემ პლენარულ სხდომაზე გამოსვლისას განაცხადა.

მისი თქმით, წინა ხელისუფლების დროს იყო შემთხვევები, როდესაც საფეხბურთო შემადგენლობის დაყენებაში მმართველი პარტიის წარმომადგენლები პირდაპირ ერეოდნენ.

„მინდა გავიხსენო ძველი პრაქტიკა შედარებისთვის, რადგან ჩვენი ოპონენტები ცდილობენ ხოლმე, საქმე სხვანაირად წარმოაჩინონ. მახსენდება მოვლენები წინა ხელისუფლების დროს, როდესაც ფეხბურთის ფედერაციის არჩეული პრეზიდენტი მეორე დილას გადადგა. მახსოვს, მაშინდელი მმართველი პარტიის ერთ-ერთი ლიდერი, რომელიც დღეს პარლამენტის წევრიც არის ოპოზიციიდან, როგორ შევარდა ფეხბურთის მოედანზე და როგორ ჩაარტყა წიხლი საფეხბურთო მსაჯს - მაშინ გუბერნატორი იყო ეს ადამიანი. ასევე მახსენდება „ნორჩი დინამოელის“ უნიკალური საფეხბურთო ბაზის გასხვისება თბილისში და ბათუმის სტადიონის დანგრევა. წლების განმავლობაში ბათუმი - საფეხბურთო ქალაქი სტადიონის გარეშე იყო. მახსოვს შემთხვევები, როდესაც შემადგენლობის დაყენებაში მაშინდელი მმართველი პარტიის წარმომადგენლები პირდაპირ ერეოდნენ“, - განაცხადა ირაკლი კობახიძემ.

როგორც კობახიძემ განაცხადა, მიუხედავად იმისა, რომ წინა ხელისუფლების დროს საქართველოს ნაკრებში ძალიან ღირსეული და წარმატებული ფეხბურთელები თამაშობდნენ, ფეხბურთი წარმატებას ვერ აღწევდა, რადგან მიდგომები განსხვავებული იყო.

„ამ დღეებში იყო გარკვეული სამარცხვინო სპეკულაციები კონკრეტულ ფეხბურთელთან დაკავშირებით, რაც ძალიან შემაშფოთებელია. იმიტომ, რომ ესეც ერთგვარი წნეხია ფეხბურთელზე. ფეხბურთელი თავიდან ბოლომდე უნდა იყოს პოლიტიკური კონტექსტისგან დაცლილი და კონცენტრირებული უნდა იყოს ფეხბურთზე და თამაშზე. როდესაც ასეთ დროს მცდელობაა, რომ მასზე პოლიტიკური წნეხი განხორციელდეს, მიუღებელია.

მიუხედავად იმისა, რომ მაშინაც [წინა ხელისუფლების დროს] ჩვენს ნაკრებში ძალიან ღირსეული და წარმატებული ფეხბურთელები თამაშობდნენ ფეხბურთი წარმატებას ვერ აღწევდა, რადგან მიდგომები განსხვავებული იყო“, - აღნიშნა კობახიძემ.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია