ირაკლი კობახიძე - ჩვენ გვყავდა ურთულესი მეტოქეები ევროპის ჩემპიონატზე, თუმცა ბიჭები არ შეუშინდნენ და დადგნენ ორ ფეხზე - სადაც დავდგებით ორ ფეხზე, იქ საქართველო გაიმარჯვებს

ჩვენ გვყავდა ურთულესი მეტოქეები ევროპის ჩემპიონატზე, თუმცა ბიჭები არ შეუშინდნენ და დადგნენ ორ ფეხზე. სწორედ იმიტომ, რომ ბიჭები ორ ფეხზე დადგნენ, ჩვენ მივაღწიეთ წარმატებას და გამარჯვებას. სადაც დავდგებით ორ ფეხზე, იქ საქართველო გაიმარჯვებს,- ამის შესახებ საქართველოს პრემიერ-მინისტრმა ირაკლი კობახიძემ პარლამენტში ანგარიშის წარდგენისას განაცხადა.

როგორც პრემიერმა აღნიშნა, ის დარწმუნებულია, რომ 2030 წლამდე საქართველო გამთლიანდება და აფხაზეთთან და ოსეთთან ერთად გახდება ევროკავშირის სრულუფლებიანი წევრი.

„საქართველოს საფეხბურთო ნაკრებს ჰყავდა ძალიან რთული მეტოქეები, მათ შორის, საკვალიფიკაციო ეტაპზე, ვიდრე გავიდოდით ევროპის ჩემპიონატზე. ასევე ჩვენ გვყავდა ურთულესი მეტოქეები უკვე ევროპის ჩემპიონატზე, თუმცა ბიჭები არ შეუშინდნენ და დადგნენ ორ ფეხზე. თქვენ გახსოვთ ეს ცნობილი მეტაფორა. სწორედ იმიტომ, რომ ბიჭები ორ ფეხზე დადგნენ, ჩვენ მივაღწიეთ წარმატებას და გამარჯვებას. სადაც დავდგებით ორ ფეხზე, იქ საქართველო გაიმარჯვებს.

მომდევნო 4 წელი იქნება ახალი გარდამტეხი ეტაპი საქართველოს განვითარების გზაზე. ჩვენ გვაქვს ორი უმთავრესი ეროვნული ამოცანა - სიღარიბის საბოლოოდ დაძლევა და ჩვენი ქვეყნის გამთლიანება. ორივე ოცნება არის ასრულებადი, ძალიან თამამად შეიძლება ამის თქმა. მთავარია ჩვენ ვიდგეთ ეროვნული ინტერესების სადარაჯოზე. მე კიდევ ერთხელ გავიმეორებ, რომ მე მჯერა, რომ 2030 წლამდე ჩვენ ვიცხოვრებთ ერთიან საქართველოში ჩვენს აფხაზ და ოს ძმებთან და დებთან ერთად და ერთად შევალთ ევროკავშირში, ერთად გავხდებით ევროკავშირის სრულუფლებიანი წევრი ქვეყანა.“- განაცხადა კობახიძემ.

ანგარიშის წარდგენის დასასრულს მან ფეხბურთის აპოლიტიკურობაზე კიდევ ერთხელ გაამახვილა ყურადღება.

„ბევრი ინტერპრეტაცია მიეცა ჩვენს საფეხბურთო წარმატებას, მათ შორის, ოპოზიცია ცდილობდა თავისებური ინტერპრეტაცია მიეცა საფეხბურთო წარმატებისთვის. რა თქმა უნდა, ზოგადად სასურველია, რომ ეს სფერო- ფეხბურთი იყოს დაცლილი პოლიტიკური კონტექსტისგან. ფეხბურთი არის ყველასი, თითოეული ფეხბურთელი არის ყველასი და ასე უნდა დარჩეს ეს სფერო. ვიღაცები ცდილობენ, რომ სხვანაირად წარმართონ პროცესები, თუმცა ჩვენ ყველაფერს გავაკეთებთ იმისთვის, რომ გავუფრთხილდეთ სპორტის აპოლიტიკურობას. აპოლიტიკური უნდა იყოს სპორტი და ამაზე მაქსიმალურად ვიზრუნებ.“- განაცხადა კობახიძემ.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის