ალუდა ღუდუშაური - რატომ არ იმყოფება ამა თუ იმ ქვეყნის ელჩი პრემიერის ანგარიშის მოხსენებაზე, ვერ გეტყვით - რაც შეეხება ოპოზიციის მიერ დემარშის და მსგავსი ეპითეტების გამოყენებას, რბილად რომ ვთქვათ, სამარცხვინო საქციელია

თუ რატომ არ იმყოფება ამა თუ იმ ქვეყნის ელჩი პრემიერ-მინისტრის ანგარიშის მოხსენებაზე, ვერ გეტყვით - არ ვიცი რა კომუნიკაცია იყო პროტოკოლის სამსახურსა და კონკრეტულ საელჩოს შესაბამის სამსახურს შორის , - ამის შესახებ „ქართული ოცნების“ დეპუტატმა, ალუდა ღუდუშაურმა ჟურნალისტებთან საუბრისას განაცხადა.

მისივე თქმით, აღნიშნულ საკითხზე საუბარი სპეკულაციაა და კონკრეტულ მედიასაშუალებებში გავრცელებული ინფორმაცია, რომ „ეს არის დემარში“ სამარცხვინოა.

„მე ვერ გეტყვით, არ ვიცი, რატომ არ ბრძანდებიან თქვენს მიერ დასახელებული ქვეყნების ელჩები. ეს პარლამენტის პროტოკოლს და მათ წარმომადგენლობას უნდა ვკითხოთ. მე ამასთან დაკავშირებით გამიჭირდება პასუხის გაცემა. მე ვარ საქართველოს პარლამენტის წევრი, თუ რატომ არ იმყოფება ამა თუ იმ ქვეყნის ელჩი პრემიერ-მინისტრის ანგარიშის მოხსენებაზე, მე ვერ გეტყვით და არც შეიძლება, რომ ამასთან დაკავშირებით მქონდეს ინფორმაცია, იმ მარტივი მიზეზიდან გამომდინარე, რომ არ ვიცი რა კომუნიკაცია იყო პროტოკოლის სამსახურსა და კონკრეტულ საელჩოს შესაბამის სამსახურს შორის. ვერ გეტყვით, შეიძლება ელჩი აქ არ იმყოფება... მგონია, რომ ეს არის სპეკულაცია და არ მინდა, რომ ზედმეტ სპეკულაციებში შევიდე. რაც შეეხება ოპოზიციის და ოპოზიციასთან პირდაპირ კავშირში მყოფი ტელევიზიების მიერ მტკიცებით ფორმატში ინფორმაციის საზოგადოებისთვის მიწოდებას, რომ დემარშს და მსგავს ეპითეტებს იყენებენ, მე ვფიქრობ, რომ ეს არის, რბილად რომ ვთქვათ, სამარცხვინო საქციელი“. - განაცხადა ღუდუშაურმა.

ცნობისთვის, საქართველოს პრემიერ-მინისტრის, ირაკლი კობახიძის წლიური ანგარიშის წარდგენას არ ესწრებოდნენ ევროკავშირის ქვეყნების ელჩები, გარდა უნგრეთისა. პარლამენტში არ მისულა ასევე ამერიკის შეერთებული შტატების ელჩი.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის