კრისტოფ ჰოისგენი - უკრაინის ნატო-ში მიღება ალიანსის სამიტზე არ განიხილება

უკრაინის ნატო-ში მიღება ჩრდილოატლანტიკური ალიანსის სამიტის დღის წესრიგში არ დგას, რომელიც 9-11 ივლისს ვაშინგტონში გაიმართება, - ამის შესახებ მიუნხენის უსაფრთხოების კონფერენციის (MSC) ხელმძღვანელმა, კრისტოფ ჰოისგენმა განაცხადა.

ამასთან, მისი თქმით, „გრძელვადიან პერსპექტივაში მხოლოდ ნატო-ს წევრობა მისცემს უკრაინას მშვიდობის გრძელვადიან პერსპექტივას“.

„რუსეთთან შეთანხმებები არ ღირს იმ ქაღალდზე, რომელზეც ხელს პუტინი აწერს, უკრაინამ ეს საკუთარი მწარე გამოცდილებიდან ისწავლა. ერთადერთი დაზღვევა ნატო-ში გაწევრიანებაა“, - აღნიშნა კრისტოფ ჰოისგენმა.

კითხვაზე : „რა დარჩება უკრაინისგან ამ ომის შემდეგ“, მიუნხენის უსაფრთხოების კონფერენციის ხელმძღვანელმა უპასუხა, რომ მას ეჭვი არ ეპარება, „სახელმწიფოების საერთაშორისო თანამეგობრობა არ მიიღებს საზღვრების არანაირ ცვლილებას“.

”ძალის გამოყენებამ შედეგი არ უნდა გამოიღოს”, - აღნიშნა კრისტოფ ჰოისგენმა.

ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო