CNN - ჯო ბაიდენს ოჯახმა ხელახალი არჩევისთვის ბრძოლის გაგრძელებისკენ მოუწოდა

ჯო ბაიდენის ოჯახმა პრეზიდენტს 2024 წლის საპრეზიდენტო რბოლაში დარჩენისკენ მოუწოდა, - ინფორმაციას CNN-ი ბაიდენის მრჩევლებზე დაყრდნობით ავრცელებს.

ტელეკომპანიის ცნობით, ბაიდენის ოჯახი, მათ შორის პირველი ლედი ჯილ ბაიდენი, ვაჟი ჰანტერ ბაიდენი და შვილიშვილები, კემპ დევიდში შეიკრიბნენ და პრეზიდენტს სთხოვეს, ხელახალი არჩევისთვის ბრძოლა განაგრძოს.

პრეზიდენტის ერთ-ერთმა მრჩეველმა CNN-ს განუცხადა, რომ ოჯახის წევრებმა ბაიდენს ცალსახა მხარდაჭერა შესთავაზეს.

მისივე მტკიცებით, ოჯახმა, რომელიც აშკარად იმედგაცრუებულია გუნდით, რომელმაც პრეზიდენტი ბაიდენი ყოფილ პრეზიდენტ, დონალდ ტრამპთან დებატებისთვის მოამზადა, განიხილა, უნდა გათავისუფლდნენ თუ არა ბაიდენის მთავარი მრჩევლები და უნდა განხორციელდეს თუ არა კამპანიის საკადრო ცვლილებები.

გამოცემა Politico-მ გაავრცელა ინფორმაცია, რომ ახლობლები სატელევიზიო დებატების დროს ბაიდენის წარუმატებლობაში ბრალს მის მრჩევლებს დებენ და აცხადებენ, რომ ბაიდენი მზად არ აღმოჩნდა უფრო აქტიურად გაეკრიტიკებინა ტრამპი და ზედმეტად იყო ორიენტირებული თავდაცვაზე, იმის ნაცვლად, რომ მეორე ვადის შესახებ თავისი შეხედულება გამოეთქვა. გავრცელდა ინფორმაცია, რომ ოჯახს, შესაძლოა, დაერწმუნებინა ბაიდენი, ხელახალი გაპრეზიდენტებისთვის ბრძოლაზე უარი ეთქვა.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის