კონკურენციისა და მომხმარებლის დაცვის სააგენტოში (GCCA) TAIEX-ის მისიის ფარგლებში სამუშაო შეხვედრები დაიწყო

საქართველოს კონკურენციისა და მომხმარებლის დაცვის სააგენტოში GCCA) ევროკავშირის მიერ დაფინანსებული TAIEX-ის (ევროკომისიის ტექნიკური დახმარებისა და ინფორმაციის გაცვლის ინსტრუმენტი) მისიის ფარგლებში, სამუშაო შეხვედრები დაიწყო.

კონკურენციისა და მომხმარებლის დაცვის სააგენტოს ინფორმაციით, საქართველოს დელეგაციის მხრიდან შეხვედრებში მონაწილეობენ: ლევან კალანდაძე GCCA-ის თავმჯდომარის მოადგილე, იურიდიული დეპარტამენტის უფროსი, სალომე ქავთარაძე, მისი მოადგილე, ირაკლი შაკიაშვილი და იურიდიული დეპარტამენტის წარმომადგენელი, რამაზ რაზმაძე.

„ევროკავშირის მხრიდან შეხვედრებში ჩართულია - პოლონეთის კონკურენციისა და მომხმარებლის დაცვის ოფისის(UOKiK) ფილიალის დირექტორი, პიოტრ ადამჩევსკი, სახელმწიფო დახმარებების მონიტორინგის დეპარტამენტის დირექტორის მოადგილე, პატრიცია სობჩაკი და ფინანსური ინსტიტუტების, სერვისებისა და მედიის კონცენტრაციების კონტროლის დეპარტამენტის წარმომადგენელი, კატარინა სტრადომსკა.

1-5 ივლისს დაგეგმილი შეხვედრები ონლაინ ფორმატში მიმდინარეობს, რომლის მიზანია ქართული კონკურენციის კანონმდებლობის გაუმჯობესება და ევროკავშირის შესაბამის კანონმდებლობასთან თანხვედრის შეფასება.

2020 წელს, საქართველოს კონკურენციის კანონმდებლობაში მნიშვნელოვანი ცვლილებები განხორციელდა და ევროკავშირის სტანდარტებთან შესაბამისობაში მოექცა ევროკავშირის მიერ დაფინანსებული TWINNING-ის პროექტის ექსპერტების შეფასებით, რომელიც სააგენტოში 2 წლის განმავლობაში მიმდინარეობდა, საქართველოსა და ევროკავშირის კანონმდებლობის შესაბამისობა კონკურენციის მიმართულებით 75%-ია, რაც 2022 წელს, 60%-ს შეადგენდა“,- ნათქვამია ინფორმაციაში.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო