ირაკლი ფავლენიშვილის განცხადებით, ქვეყნის მმართველი პარტიის წევრების რუს სპორტსმენთან შეხვედრა, „ქვეყნის რეპუტაციას მნიშვნელოვნად აზიანებს“

ყველა მსგავსი მოვლენა გამოძახილია იმის, რომ ქვეყანა ბანდის მიერ იმართება, რომელსაც რუსეთთან და მასთან დაახლოებულ პირებთან კონტაქტი აქვს. იმისთვის, რომ ასეთი ფაქტები არ ხდებოდეს, რაც საერთაშორისო არენაზე არცხვენს საქართველოს რეპუტაციას, აუცილებელია, რომ ეს ბანდა არჩევნებზე სახლში გავისტუმროთ, - ამის შესახებ „ერთიანი ნაციონალური მოძრაობის“ გენერალური მდივნის მოადგილემ ირაკლი ფავლენიშვილმა განაცხადა, რითაც გამოეხმაურა კადრებს, გერმანიაში საქართველოს პრემიერ-მინისტრის ირაკლი კობახიძის, თბილისის მერის კახა კალაძის, „ქართული ოცნების“ საპატიო თავმჯდომარის, ბიძინა ივანიშვილის შვილის - ცოტნე ივანიშვილისა და UFC-ის ყოფილი ჩემპიონის დაღესტნიდან, ხაბიბ ნურმაგედოვის შეხვედრის შესახებ.

მისი შეფასებით, ქვეყნის მმართველი პარტიის წევრების რუს სპორტსმენთან შეხვედრა, ქვეყნის რეპუტაციას მნიშვნელოვნად აზიანებს.

„ხელისუფლებაში, სამწუხაროდ, გვყავს არა პოლიტიკური მთავრობა ან პოლიტიკური გუნდი, არამედ ივანიშვილის რუსული პარტია, ამიტომ ყველა მსგავსი მოვლენა არის გამოძახილი იმის, რომ ქვეყანა ბანდის მიერ იმართება. ამ ბანდას, ძირითადად, კონტაქტები რუსეთთან და რუსეთთან დაახლოებულ პირებთან აქვს, ამიტომაც არის, რომ ყოველწლიურად სკანდალები ხდებოდა - იყო ლავროვის შვილის ქორწილი, გვახსოვს გავრილოვის ჩამოყვანა. ეს მოვლენები „რუსული ოცნების“ რეჟიმისთვის არის დამახასიათებელი, ამიტომაც იმისთვის, რომ ასეთი ფაქტები არ ხდებოდეს, რაც საერთაშორისო არენაზე საქართველოს რეპუტაციას არცხვენს, აუცილებელია, რომ ეს ბანდა არჩევნებზე სახლში გავისტუმროთ“, - განაცხადა ირაკლი ფავლენიშვილმა.

გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო