გიგი წერეთელი - ეუთოს საპარლამენტო ასამბლეისთვის საქართველოში დაგეგმილი ოქტომბრის არჩევნები პრიორიტეტია

ბუქარესტში ეუთო-ს საპარლამენტო ასამბლეის სესია მიმდინარეობს, რომელსაც 56 ქვეყნის პარლამენტის 300- მდე წარმომადგენელი ესწრება, მათ შორის არის „ევროპული საქართველოს“ ერთ-ერთი ლიდერი, გიგი წერეთელი, რომელიც მიმდინარე ღონისძიებაში მონაწილეობს, როგორც ორგანიზაციის ექს-პრეზიდენტი. ამის შესახებ ინფორმაციას პარტია „ევროპული საქართველო“ ავრცელებს.

გიგი წერეთლის განცხადებით, მიმდინარე სესიაზე უსაფრთხოების, ეკონომიკური თანამშრომლობის, დემოკრატიის, უკრაინაში რუსეთის აგრესიის თემებთან ერთად, საარჩევნო სადამკვირვებლო მისიების ფორმირების საკითხიც განიხილება.

„მიუხედავად იმისა, რომ წელს ბევრ ქვეყანაში არის არჩევნები, ეუთო-ს სადამკვირვებლო მისიების ჩამონათვალში საქართველოში დაგეგმილი ოქტომბრის არჩევნები პრიორიტეტულია. ამის შესახებ ასამბლეის პრეზიდენტმა, ფინელმა დეპუტატმა, პია კაუმამ განაცხადა და ეს საკითხი ეუთო-ს ზაფხულის სესიაზე აქტიური განხილვის საგანია. ეს კიდევ უფრო დიდ ინტერესს იწვევს ე.წ. „გამჭვირვალობის” კანონის მიღების ფონზე, რაც საარჩევნო გარემოს მძიმე პრობლემების წინაშე აყენებს.

ოქტომბრის საპარლამენტო არჩევნებისთვის, ჯგუფმა ეუთო-სგან მასშტაბური სადამკვირვებლო მისიის ფორმირება მოითხოვა. განსაკუთრებული აქცენტით - მოსალოდნელ ზეწოლასა და ანტიდემოკრატიულ ტენდენციებზე, არჩევნების დღემდე გაცილებით ადრეულ პერიოდში, რაც ძირს გამოუთხრის კენჭისყრის დემოკრატიულობას"- განაცხადა გიგი წერეთელმა.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია