ალეკო ელისაშვილი - ბიძინა ივანიშვილმა და მისმა გუნდმა იგრძნო, რა სუსხი წამოვა ამერიკიდან, ამიტომ გაგზავნეს იქ გრიგოლ ლილუაშვილი, რომელმაც კონკრეტული გზავნილი ჩაიტანა

ბიძინა ივანიშვილმა და მისმა გუნდმა იგრძნო, რა სუსხი წამოვა ამერიკიდან, ამიტომ გაგზავნეს იქ გრიგოლ ლილუაშვილი, რომელმაც საქართველოდან კონკრეტული გზავნილი ჩაიტანა, - ამის შესახებ პარტია „მოქალაქეების“ ლიდერმა, დეპუტატმა ალეკო ელისაშვილმა „პალიტრანიუსის“ გადაცემა „360 გრადუსში“ ისაუბრა.

როგორც ელისაშვილმა თქვა, ბიძინა ივანიშვილი მიხვდა, რომ შარშია, სხვა შემთხვევაში, სუს-ის უფროსს ამერიკაში არ გაუშვებდა, რადგან ეს ვიზიტი დაგეგმილი არ ყოფილა.

„გრიგოლ ლილუაშვილი ამერიკაში ჩავიდა იმიტომ, რომ აქედან ჩაეტანა გზავნილი. ვიზის გაუქმება არაფერია, ბიძინა ივანიშვილმა და მისმა გუნდმა იგრძნო, რა სუსხი წამოვა ამერიკიდან, მაგალითად ფინანსური, ვერც ერთ ტრანზაქციას რომ ვეღარ განახორციელებენ და არც ერთი ბანკი რომ არ მოემსახურებათ, რუსეთისა და ჩრდილოეთ კორეის გარდა, ვეღარსად რომ ვეღარ ჩავლენ და კიდევ ღმერთმა უწყის, რეები მოჰყვება ამ სანქციებს, გახსოვთ ხო, რა თქვეს - ისეთ ინფორმაციას ვფლობთ, მათ რეპუტაციას გააცამტვერებსო. ფაქტია, რომ ლილუაშვილის ვიზიტი არ იყო დაგეგმილი, საერთოდ არ ჩაუშვებდა მას ამ ყველაფრის მერე, უბრალოდ ბიძინა ივანიშვილი მიხვდა, რომ შარშია. კობახიძეს იქ არ გაუშვებდა, მასთან ელჩები არ მივიდნენ პარლამენტში ყოველწლიური ანგარიშის მოსმენაზე და კობახიძეს ვინმე შეუშვებს ამერიკაში? აღარ ჩაესვლება. ლილუაშვილი მეტ-ნაკლებად დაბალანსებული და გაწონასწორებული ტიპია. დარწმუნებული ვარ, ბიძინა ივანიშვილის პირადი დავალებით წავიდოდა.

ჩემთვის ეს ხალხი დამთავრებულია, ეს უბრალოდ დროის ამბავია. ძალიან მძიმე ზაფხული გველოდება, ასევე, მძიმე შემოდგომა, მაგრამ 27 ოქტომბერს უნდა ვიზეიმოთ ამ გარუსებული, მოღალატე მთავრობის გაყრა“, - განაცხადა ელისაშვილმა „პალიტრანიუსის“ ეთერში.

სახელმწიფო უსაფრთხოების სამსახურის ხელმძღვანელი გრიგოლ ლილუაშვილი ამერიკის შეერთებულ შტატებში სამუშაო ვიზიტით იმყოფებოდა. სუს-ის ინფორმაციით, აშშ-ში ლილუაშვილის ვიზიტი ყოველწლიურია.

„ეს იყო ყოველწლიური ოფიციალური ვიზიტი, ჩვეულებრივი სამუშაო ვიზიტი იყო უსაფრთხოების მიმართულებით. თავადაც თქვა [12 ივნისს, პარლამენტში] - გრძელდება პარტნიორობა და ვგეგმავთ საინტერესო თანამშრომლობის ახალ ეტაპებსო - ამასთან დაკავშირებით იყო წასული“,- აცხადებენ სუს-ში.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია