სავაჭრო პალატის პრეზიდენტმა, გიორგი პერტაიამ ჩეხეთის ელჩს საქართველოში, პეტრ კუბერნატს უმასპინძლა - ამის შესახებ ინფორმაციას სავაჭრო პალატა ავრცელებს.
როგორც გავრცელებულ განცხადებაშია ნათქვამი, შეხვედრისას, ძირითადი აქცენტები გაკეთდა პროფესიულ განათლების, განახლებადი ენერგიისა და მეწარმეების ხელშეწყობის მიზნით, ექსპორტ-იმპორტის საკითხებზე.
„მხარეებმა ქვეყნებს შორის ბიზნეს ურთიერთობებისა და თანამშრომლობის გაღრმავების თემებზეც იმსჯელეს. ამ მხრივ კი, ხაზი გაესვა ჩეხური და ქართული ბიზნესების დაახლოების საკითხებსა და ორ ქვეყანას შორის ბიზნეს ფორუმების გამოცდილებას.
შეხვედრისას, აღინიშნა საქართველოსა და ჩეხეთს შორის არსებული პარტნიორული ურთიერთობების მნიშვნელობა და გამოითქვა მზაობა სავაჭრო-საინვესტიციო მიმართულებით თანამშრომლობის გაღრმავებაზე“, - ნათქვამია განცხადებაში.