რუსული მხარის ინფორმაციით, ყირიმში, ბელგოროდსა და ბრიანსკში 11 უკრაინული დრონი გაანადგურეს
რუსეთის საჰაერო თავდაცვის სისტემებმა ღამით ყირიმში, ბელგოროდისა და ბრიანსკის ოლქებში 11 უპილოტო საფრენი აპარატი გაანადგურეს, - ინფორმაციას რუსეთის თავდაცვის სამინისტრო ავრცელებს.
უწყების ცნობით, ბელგოროდისა და ბრიანსკის ოლქებში ოთხ-ოთხი დრონი გაანადგურეს, ყირიმში კი - სამი.
„გასული ღამის განმავლობაში, უპილოტო საფრენი აპარატების გამოყენებით რუსეთის ფედერაციის ტერიტორიაზე კიევის რეჟიმის ტერორისტული თავდასხმების მცდელობისას, საჰაერო თავდაცვის სისტემებმა შეაკავეს და გაანადგურეს ოთხი უპილოტო საფრენი აპარატი ბრიანსკის ოლქის ტერიტორიაზე, ოთხი უპილოტო საფრენი აპარატი ბელგოროდის ოლქის ტერიტორიაზე და სამი უპილოტო საფრენი აპარატი ყირიმის რესპუბლიკის ტერიტორიაზე“, - აცხადებენ უწყებაში.
