საქართველოს ცირკულარულ ეკონომიკაზე გადასვლის ეროვნული გზამკვლევისადმი მიძღვნილი მეოთხე პლენარული შეხვედრა გაიმართა

საქართველოს ცირკულარულ ეკონომიკაზე გადასვლის ეროვნული გზამკვლევისადმი მიძღვნილი მეოთხე პლენარული შეხვედრა გაიმართა - შეხვედრას გარემოს დაცვისა და სოფლის მეურნეობის მინისტრის მოადგილე სოლომონ პავლიაშვილი დაესწრო.

გარემოს დაცვისა და სოფლის მეურნეობის სამინისტროს ინფორმაციით, მინისტრის მოადგილემ ცირკულარულ ეკონომიკაზე გადასვლის ეროვნული გზამკვლევის შექმნის მნიშვნელობაზე ისაუბრა.

„ცირკულარული ეკონომიკა ნარჩენების მართვის პლატფორმაა, რომელზეც ბოლო 4 წელი აქტიურად ვმუშაობთ. რა თქმა უნდა, აღსრულების ნაწილში არაერთი გამოწვევა გვაქვს, თუმცა, ეტაპობრივად მივიწევთ წინ. ცირკულარულ ეკონომიკაზე გადასვლის გზამკვლევი სახელმძღვანელო დოკუმენტი იქნება, რომელზე დაყრდნობითაც ეროვნული სტრატეგია შეიქმნება; გზამკვლევში გაიწერება პროგრამა და განისაზღვრება ღონისძიებები“, - აღნიშნა სოლომონ პავლიაშვილმა.

როგორც უწყების მიერ გავრცელებულ ინფორმაციაშია ნათქვამი, დღეისათვის, გარემოს დაბინძურება და კლიმატის ცვლილება მსოფლიო გამოწვევაა. ევროპული „მწვანე შეთანხმებით“ ევროკავშირი აყალიბებს ახალ მიდგომებს, რომელსაც იზიარებს საქართველო და ეტაპობრივად ნერგავს არაერთი მიმართულებით.

„ცირკულარულ ეკონომიკაზე გადასვლა წარმოებისა და მოხმარების მეთოდების ძირფესვიან, სისტემურ ცვლილებებს მოითხოვს, რაც გამართული პოლიტიკისა და მარეგულირებელი ჩარჩოს შემოღებას ითვალისწინებს. ცირკულარულ ეკონომიკაზე გადასვლის ხელშეწყობის მიზნით, საქართველოს მთავრობამ ცირკულარული ეკონომიკის ეროვნული გზამკვლევის შემუშავება დაიწყო, რაც სტრატეგიულ გეგმას წარმოადგენს; გზამკვლევი გრძელვადიან ხედვასა და მის მისაღწევად საჭირო ძირითად ინიციატივებს განსაზღვრავს. გზამკვლევი ევროკავშირის ცირკულარული ეკონომიკის 2020 წლის სამოქმედო გეგმას ეფუძნება, რომელიც „მწვანე შეთანხმების“ ძირეული ნაწილია.

საქართველოს ცირკულარულ ეკონომიკაზე გადასვლის ეროვნული გზამკვლევისადმი მიძღვნილი მეოთხე პლენარული შეხვედრა საქართველოს გარემოს დაცვისა და სოფლის მეურნეობის სამინისტროს, საქართველოს ბუნების მკვლევართა კავშირის „ორქისი“, გაეროს განვითარების პროგრამის (UNDP) ორგანიზებით და შვედეთის მთავრობის ფინანსური მხარდაჭერით გაიმართა“,- ნათქვამია ინფორმაციაში.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია