უკრაინის პრეზიდენტმა, ვოლოდიმირ ზელენსკიმ ნატო-ს მომავალ გენერალურ მდივანთან, მარკ რუტესთან სატელეფონო საუბარი გამართა, - ამის შესახებ ზელენსკი ქსელ X-ში წერს.
უკრაინის სახელმწიფოს მეთაურის განცხადებით, მადლობა გადაუხადა მარკ რუტეს იმისთვის, რაც პირადად მან, მისმა მთავრობამ და ნიდერლანდელმა ხალხმა უკრაინისთვის გააკეთეს, კერძოდ კი - „ყველა დროული და ფართომასშტაბიანი თავდაცვის, ჰუმანიტარული და პოლიტიკური მხარდაჭერისთვის“.
„გავაგრძელებთ კონტაქტს, როდესაც ის ნატო-ს გენერალური მდივნის თანამდებობაზე საკუთარი უფლებამოსილების შესრულებას შეუდგება. მივულოცე მარკს დანიშვნა და ალიანსთან უკრაინის სამომავლო თანამშრომლობა განვიხილეთ“, - წერს ზელენსკი.
შეგახსენებთ, მარკ რუტემ ნიდერლანდების პრემიერ-მინისტრის პოსტი უკვე დატოვა, ნატო-ს გენერალური მდივნის პოსტზე მუშაობას კი ის ოქტომბერში დაიწყებს.