უკრაინის მიმართ ნიდერლანდების მხარდაჭერა მტკიცეა, - ამის შესახებ ნიდერლანდების ახალმა პრემიერ-მინისტრმა, დიკ სხოოფმა უკრაინის პრეზიდენტთან, ვოლოდიმირ ზელენსკისთან გამართულ პირველ სატელეფონო საუბარში განაცხადა.

„ახლახან, უკრაინის პრეზიდენტ ვოლოდიმირ ზელენსკისთან პირველი სატელეფონო საუბარი მქონდა. მე ის დავარწმუნე, რომ მისი ქვეყნის მიმართ ნიდერლანდების მხარდაჭერა მტკიცეა. რუსული აგრესიის წინააღმდეგ ჩვენ უკრაინის პოლიტიკურ, სამხედრო და ფინანსურ მხარდაჭერას გავაგრძელებთ, რაც და რამდენი ხანიც არ უნდა იყოს ამისთვის საჭირო“, - განაცხადა დიკ სხოოფმა.

სხოოფმა აღნიშნა, რომ მომავალ კვირას ვაშინგტონში ნატო-ს სამიტზე ვოლოდიმირ ზელენსკისთან შეხვედრას მოუთმენლად ელის.

ცნობისთვის, დღეს, ნიდერლანდების თავდაცვის ახალმა მინისტრმა, რუბენ ბრეკელმანსმა განაცხადა, რომ იგი უკრაინის მხარდაჭერას გააგრძელებს და თანამშრომლობის გაძლიერების იმედი გამოთქვა.

შეგახსენებთ, ნიდერლანდების ახალმა მემარჯვენე მთავრობამ ფიცი გუშინ დადო.