ბადრი ჯაფარიძე - ეუთო-მ კიდევ ერთხელ დაადასტურა, რომ არჩევნებისთვის იქნება ძალიან ძლიერი სადამკვირვებლო მისია, რომელიც მნიშვნელოვნად შეამცირებს რისკებს, კვლავ არ მოხდეს ხმების მიტაცება „ქართული ოცნების“ მიერ

„ლელოს“ ერთ-ერთი ლიდერის, ბადრი ჯაფარიძის განცხადებით, ეუთო-ს საპარლამენტო ასამბლეის რეზოლუციით დადასტურდა, რომ 26 ოქტომბრის არჩევნებზე ძლიერი სადამკვირვებლო მისია იქნება.

როგორც ჯაფარიძემ მედიასთან საუბრისას განაცხადა, არჩევნებზე მოქალაქეების ხმები მაქსიმალურად იქნება დაცული.

„ძალიან მნიშვნელოვანია, რომ ეუთო-მ კიდევ ერთხელ დაადასტურა, რომ არჩევნებისთვის იქნება ძალიან ძლიერი სადამკვირვებლო მისია, რომელიც მნიშვნელოვნად შეამცირებს იმის რისკებს, რომ „ქართული ოცნების“ მიერ კვლავ არ მოხდეს ხმების მიტაცება. გარდა სადამკვირვებლო მისიისა, თითოეული მოქალაქის აქტიურობა იქნება მნიშვნელოვანი, თითოეული პარტიის აქტიურობა იქნება ძალიან მნიშვნელოვანი. ჩვენი თანამოქალაქეებისთვის კარგია იცოდნენ, რომ ამ არჩევნებზე სადამკვირვებლო მისია იქნება ძალიან ძლიერი და, შესაბამისად, ჩვენი მოქალაქეების ხმები მაქსიმალურად იქნება დაცული“, - განაცხადა ჯაფარიძემ.

ინფორმაციისთვის, ეუთო-ს საპარლამენტო ასამბლეის დეკლარაცია ეუთო-ს, ეუთო-ს დემოკრატიული ინსტიტუტებისა და ადამიანის უფლებების ოფისს მოუწოდებს, 2024 წლის საპარლამენტო არჩევნებისთვის ძლიერი სადამკვირვებლო მისია ჩამოაყალიბონ.

როგორც დეკლარაციაშია აღნიშნული, განსაკუთრებული ყურადღება უნდა დაეთმოს პოტენციური დარღვევების ან ანტიდემოკრატიული ტენდენციების იდენტიფიცირებას, რომლებიც შეიძლება არჩევნების დღემდე გამოვლინდეს.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია