დაგლას ჯონსი - უკრაინას ნატო-ში გაწევრიანების კონკრეტულ გზებს შესთავაზებენ

ვაშინგტონში, ნატო-ს სამიტის დროს უკრაინას შესთავაზებენ კონკრეტულ გზებს ჩრდილოატლანტიკურ ალიანსში მომავალი გაწევრიანების დასაჩქარებლად, - ამის შესახებ აშშ-ის სახელმწიფო მდივნის თანაშემწის მოადგილემ ევროპისა და ევრაზიის საკითხებში. გორდონ დაგლას ჯონსმა, „ამერიკის ხმის“ უკრაინულ სამსახურს განუცხადა.

მისი თქმით, მოსალოდნელია, რომ შემაჯამებელ დეკლარაციაში დადასტურებული იქნება ის, რომ უკრაინა გახდება ნატო-ს წევრი, მაგრამ კონკრეტული ფორმულირება ჯერ კიდევ თანხმდება.

დაგლას ჯონსის განმარტებით, ალიანსი განიხილავს იმას, თუ როგორ დაეხმაროს უკრაინას რუსული აგრესიისგან თავის დაცვაში ახლა, როგორ შეაჩეროს რუსეთი მომავალში და როგორ მოამზადოს უკრაინა ნატო-ში გაწევრიანებისთვის.

სახელმწიფო მდივნის თანაშემწის მოადგილემ ევროპისა და ევრაზიის საკითხებში განაცხადა, რომ ვაშინგტონში სამიტზე ასევე მიწვეული არიან 35 პარტნიორი ქვეყნის საგარეო საქმეთა მინისტრები, მათ შორის ისრაელის, ეგვიპტის, იორდანიის, კატარისა და არაბთა გაერთიანებული საამიროების საგარეო საქმეთა მინისტრები.

შეგახსენებთ, ნატო-ს სამიტი ვაშინგტონში 9-11 ივლისს გაიმართება.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 18.07.2024
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის