ლევან ბეჟაშვილი - სამწუხაროა, რომ გენერალური პროკურორის არჩევა ფორმალურად ხდება - „ქართული ოცნება“ სახელმწიფოს მიტაცების პოლიტიკას აგრძელებს

სამწუხაროა, რომ გენერალური პროკურორის არჩევა ფორმალურად ხდება. „ქართული ოცნება“ სახელმწიფოს მიტაცების პოლიტიკას აგრძელებს, - ამის შესახებ „ნაციონალური მოძრაობის“ წევრმა, ლევან ბეჟაშვილმა განაცხადა.

მისივე თქმით, ხელისუფლება ცდილობს მათი „ერთგული თანამდებობის პირების დანიშვნას“.

„სამწუხაროა, რომ გენერალური პროკურორის არჩევა ფორმალურად ხდება. „ქართული ოცნება“ სახელმწიფოს მიტაცების პოლიტიკას აგრძელებს და ცდილობს, რომ მისი ერთგული თანამდებობის პირები დანიშნონ. გენერალური პროკურორის არჩევის პროცედურაც, სწორედ, ამის ნათელი დადასტურებაა. ჩვენ მოვუწოდებდით და კვლავაც მოვუწოდებთ, რომ კანდიდატებმა არ მიიღონ ამ პროცესში მონაწილეობა, იმიტომ, რომ ის ლეგიტიმურობას მოკლებულია“, - განაცხადა ლევან ბეჟაშვილმა.

გარდა ამ თემისა, ბეჟაშვილმა ისაუბრა იმასთან დაკავშირებით, თუ რა სიახლეებს შესთავაზებს პარტია 8 ივლისს დაგეგმილ ყრილობაზე და აღნიშნა, რომ წინასაარჩევნო პერიოდში მათ სხვადასხვა არასამთავრობო ორგანიზაციების, დიპლომატიური და აკადემიური სფეროს წარმომადგენლები შეუერთდებიან.

„ერთობას გავაფორმებთ ქართველ ხალხთან. ამ ერთობაში მონაწილეობას მიიღებენ არასამთავრობო ორგანიზაციების, დიპლომატიური და აკადემიური სფეროს წარმომადგენლები, რომელთაც ხშირად, შეიძლება, უფრო მეტი ელექტორალური წონა ჰქონდეს, რომელიმე პარტიასთან მიმართებით. ამიტომ, ამ მხრივ ეს პროცესი 8 ივლისს დაიწყება. გარკვეული სიახლეები, შეთავაზებები იქნება საზოგადოებისთვის. წინასაარჩევნო კამპანიის ამოწურვამდე მზარდი ტალღა გვექნება ასეთი შემოდინებების და საზოგადოება ბევრ საინტერესო ადამიანს იხილავს “ერთიანი ნაციონალური მოძრაობის” გარშემო”,- განაცხადა ლევან ბეჟაშვილმა.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 18.07.2024
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის