ქარიშხალ „ბრელის“ გამო მექსიკაში განგაშის წითელი დონე გამოცხადდა. Reuters-ის ინფორმაციით, მეტეოროლოგებმა ქარიშხალს მე-3 კატეგორია მიანიჭეს.

ქვეყნის ხელისუფლება იუკატანის ნახევარკუნძულის მოსახლეობას განსაკუთრებული სიფრთხილისა და სახლში დარჩენისკენ მოუწოდებს.

როგორც გამოცემა წერს, ქარიშხალმა „ბერილმა“ მექსიკამდე კარიბის ზღვის კუნძულებს გადაუარა, სადაც ქარის სიჩქარემ 185 კმ/სთ-ს მიაღწია და ასობით შენობის დაზიანება გამოიწვია.

სტიქიურ უბედურებას კარიბის ზღვის კუნძულებზე სულ მცირე 11 ადამიანი ემსხვერპლა.